Fréttabréf febrúar 2024

Ísland.is vinnur til UT-verðlaunaÍsland.is hlaut á föstudag UT-verðlaunin 2024 í flokknum UT-Stafræna opinbera þjónustan fyrir síðastliðið ár. Verðlaunin voru veitt á UT-messunni, einum stærsta viðburðir ársins í tölvugeiranum.

UT-verðlaunin eru veitt fyrir framúrskarandi framlag til upplýsingatækni á Íslandi. Skýrslutæknifélag Íslands (Ský) veitir verðlaunin, en þau hafa verið veitt árlega frá árinu 2010. Miðeind hlaut verðlaun fyrir framúrskarandi framlag til upplýsingatækni. Að auki voru verðlaun veitt í fimm flokkum:

• Ísland.is hlaut sem fyrr segir verðlaun sem UT-Stafræna opinbera þjónustan.

• Stafræn framþróun Landspítalans var valið UT-Fyrirtækið.

• Indó hlaut verðlaun sem UT-Sprotinn.

• DALA.CARE hlaut verðlaun sem UT-Stafræna almenna þjónustan

ALDA var valin UT-Fjölbreytilega fyrirmyndin

Lesa frét um UTverðlaunin

Viðburðardagatal Ísland.is

Þær stofnanir sem flutt hafa vefi sína á Ísland.is eru hluti af ritstjórn Ísland.is og hafa þeim bein áhrif á framþróun vefsíðunnar. Mikil eftirspurn hefur verið eftir viðburðardagatali sem hefur nú litið dagsins ljós. 

Dæmi um viðburðardagatal hjá SAk

Þjónustusíða Samgöngustofu

Glæsileg þjónustusíða Samgöngustofu er komin í loftið en þar er helstu fyrirspurnum safnað saman á einfaldan og þægilegan hátt. Algengar spurningar sem þar er að finna verður sömuleiðis bætt í spjallmennið Ask á næstu vikum. Allt er þetta gert til að bæta aðgengi og upplýsingagjöf. 

Þjónustusíða Samgöngustofu

Stafræn vegferð í tölum 

Fylgst er grannt með alls kyns tölfræðiupplýsingum til að meta árangur stafrænnar vegferðar. Sú tölfræði er nú öllum aðgengileg á vef Stafræns Íslands. 

Stafræn vegferð í tölum

Mat á erlendu námi á Ísland.is

Upplýsingasíður og beiðni um mat á erlendu námi eru nú aðgengilegar á Ísland.is. Um er að ræða þrenns konar mat. Mat á erlendu háskólanámi, mat á framhaldsskólanámi og mat á námi til starfsréttinda. 

Starfsleyfi Landlæknis 

Starfsleyfisvottorð Landlæknis eru nú aðgengileg í Umsóknarkerfi Ísland.is. Það þýðir að heilbrigðisstarfsfólk getur skráð sig inn og fengið starfsvottorð sitt sent í Stafræna pósthólfið.
Vonast er til að þetta einfaldi líf þeirra sem þegar eru með starfsleyfi en unnið er að því að koma umsókn um starfsleyfi í Umsóknarkerfi Ísland.is.

Lesa meira um starfsleyfi

Þjónustukerfi í útboð 

Þjónustukerfi fyrir Ísland.is og samstarfsstofnanir er nú komið í útboð. Markmið með þjónustukerfinu er að bæta þjónustu við notendur hjá helstu þjónustustofnunum landsins. 

Útboðsupplýsingar á útboðsvef

Eva Sigurbjörg til Stafræns Íslands

Eva Sigurbjörg Þorkelsdóttir er nýr liðsmaður Stafræns Íslands og hefur tekið að sér hlutverk gæða- og verkefnastjóra. Bjóðum Evu hjartanlega velkomna!

Ragnhildur Helga tækni- og þróunarstjóri Stafræns Íslands

Ragnhildur Helga Ragnarsdóttir tekið að sér hlutverk tækni- og þróunarstjóra. Ragnhildur er að færa sig til innan Stafræns Ísland en hún var áður vörustjóri meðal annars Stafræna pósthólfsins og Minna síðna Ísland.is

Innra teymi Stafræns Íslands

Meðal verkefna Stafræns Íslands:

• Eigendaskipti vinnuvéla og tækja

• Endurnýjun ökuréttinda

• Mínar síður: Fjármál, hreyfingar á tímabilinu

• Mínar síður: Greiðsluáætlun Tryggingastofnunar

• Mínar síður: Hugverkaréttindin mín

• Mínar síður: Námsyfirlit úr INNU

• Mínar síður: Starfsleyfi heilbrigðisstarfsfólks

• Rafræn erfðafjárskýrsla

• Rafræn þinglýsing á kaupsamningum fasteigna

• Skírteini: Veiðikortið

• Tilkynning um vinnuslys

• Umsón um dvalarleyfi

• Umsókn um endurnýjun dvalarleyfa ítrun

• Umsókn um ellilífeyri

• Umsókn um háskóla

• Umsókn um ríkisborgararétt ítrun

• Umsókn um sannvottun

• Upplýsingavefur um háskólanám á Íslandi

• Vefur Ríkissaksóknara

• Vefur Tryggingastofnunar á Ísland.is

• Vefur Vinnueftirlitsins á Ísland.is