Framleiðsla ökuskírteina færist til Íslands – afhendingartími ökuskírteina styttist

Framleiðsla ökuskírteina færist til Íslands í byrjun árs 2025. Ökuskírteini íslendinga hafa verið framleidd í Ungverjalandi í rúman áratug. Góð breyting fyrir Íslendinga sem hafa ökuréttindi þar sem afhendingartími plastökuskírteina mun fara úr því að vera nú um 3 vikur í að verða innan við vika.

Aðilar sem hafa íslensk ökuréttindi fá stafrænt ökuskírteini sitt aðgengileg í síma að lokinni umsókn, í síðasta lagi næsta virka dag.

Þann tíma sem unnið er að færslu á framleiðslu ökuskírteina til Íslands, fram í janúar 2025, nýtum við stafrænu ökuskírteinin okkar. Því miður er ekki hægt að framleiða plastökuskírteini fyrr en að lokinni þróun og innleiðingu framleiðslu

ökuskírteina á Íslandi. Plastfilmur sem þarf til að framleiða ökuskírteinin eru sérframleiddar með öryggisstöðlum, innkaup og þróunarferill tekur tíma sem allt er gert til að lágmarka.

Viðskiptavinir vinna alltaf mjög vel með sýslumönnum í breytingum og sýna jákvæðri þróunarvinnu skilning. Við finnum þegar fyrir þessu við upphaf þessara breytinga. Þetta er tímabundin staða sem fær jákvæðan endi í byrjun árs 2025 þegar afhendingartími plastökuskírteina verður afar stuttur