30. júní 2022
30. júní 2022
Fjórði einstaklingurinn greinist með apabólu á Íslandi
Í gær greindist fjórði einstaklingurinn með apabólu á Íslandi.
![](https://images.ctfassets.net/8k0h54kbe6bj/2rXi7O9fVUSB4N2QlpMlrd/488166a00a94a06fe4804a6c17a39cf8/apabola.jpeg?w=50&fm=webp&q=80)
![Apabóla](https://images.ctfassets.net/8k0h54kbe6bj/2rXi7O9fVUSB4N2QlpMlrd/488166a00a94a06fe4804a6c17a39cf8/apabola.jpeg?w=774&fm=webp&q=80)
Í gær greindist fjórði einstaklingurinn með apabólu á Íslandi. Um er að ræða karlmann á miðjum aldri og svo virðist sem um sé að ræða innanlandssmit frá áður óþekktum smitbera. Smitrakning stendur nú yfir. Viðkomandi er við góða heilsu og dvelur í einangrun heima.
Enn hafa bóluefni eða veirulyf ekki borist til landsins en síðustu fréttir frá Evrópusambandinu herma, að von sé á fyrstu sendingu innan fárra vikna.
Nú hafa um 3.000 manns greinst með apabólu í Evrópu á þessu ári og eru alvarleg veikindi fátíð.
Sóttvarnalæknir