Fjársvik

Lögreglunni á höfuðborgarsvæðinu hafa borist tilkynningar um óumbeðin símtöl þar sem reynt er að fá fólk til að taka þátt í verðbréfa- og rafmyntaviðskiptum á netinu. Í þetta skiptið er hringt úr íslensku númeri. Algengt er að fjárfestingasvik tengist fjárfestingartilboðum í hlutabréfum, verðbréfum, rafmyntum, fágætum málmum, landareignum eða orkugjöfum.

Hverjar eru vísbendingarnar?

• Þú færð endurtekin óumbeðin símtöl

• Þér er lofað skjótum ágóða og fullvissun um að fjárfestingin sé örugg

• Tilboð gildir eingöngu í takmarkaðan tíma

• Tilboð stendur einungis þér til boða og beðið er um að það sé ekki rætt við aðra

Hvað getur þú gert?

• Fáðu alltaf ráðgjöf frá óháðum aðila áður en þú lætur peninga af hendi eða fjárfestir

• Skelltu á óumbeðin símtöl tengdum fjárfestingatækifærum

• Fyllstu grunsemdum þegar lofað er öruggri fjárfestingu, tryggðri ávöxtun og miklum gróða

• Varastu svik í framtíðinni. Ef þú hefur þegar fjárfest í svikum er líklegt að svikarar munu reyna að herja á þig aftur eða selja öðrum brotamönnum upplýsingar um þig

• Hafðu samband við lögregluna ef grunur er um svik