Fimmtán teknir fyrir ölvunarakstur

Fimmtán ökumenn voru teknir fyrir ölvunarakstur á höfuðborgarsvæðinu um helgina. Fjórtán þeirra voru stöðvaðir víðsvegar í borginni og einn í Kópavogi. Sex voru teknir á laugardag og níu á sunnudag. Þetta voru ellefu karlar á aldrinum 18-46 ára og fjórar konur, 18-38 ára. Tveir þessara ökumanna höfðu þegar verið sviptir ökuleyfi og einn hefur aldrei öðlast ökuréttindi.