Eingreiðsla desember 2025

• Full greiðsla er 73.390 krónur.

• Þau sem voru með greiðslur frá TR hluta úr árinu 2025 fá greitt í hlutfalli við fjölda mánaða sem þau fengu greitt.

• Samkvæmt lögunum er eingreiðslan tekjutengd. Frítekjumark vegna hennar á ársgrundvelli er 1.200.000 krónur, en skattskyldar tekjur, svo sem atvinnutekjur, lífeyrissjóðsgreiðslur og fjármagnstekjur, umfram frítekjumarkið lækka greiðsluna um 3,3% þar til hún fellur niður.

• Eingreiðslan er ekki greidd til þeirra sem búa erlendis og verður viðkomandi að hafa haft lögheimili hér á landi 1. nóvember 2025 til að eiga rétt á henni.

• Ekki er um að ræða skattskylda greiðslu, en bent er á að eingreiðslan er ekki skattskyld, en hún telst til uppgjörsskyldra greiðslna í uppgjöri TR í vor.

Upphæð eingreiðslu miðað við fjölda mánaða hjá TR

Hér má sjá upphæð eingreiðslunnar eftir fjölda mánaða sem einstaklingur var með greiðsluréttindi á árinu sem uppfylla skilyrði eingreiðslunnar.

Fjöldi mánaða Fjárhæð

1 mánuður 6.116 kr.

2 mánuðir 12.232 kr.

3 mánuðir 18.348 kr.

4 mánuðir 24.463 kr.

5 mánuðir 30.579 kr.

6 mánuðir 36.695 kr.

7 mánuðir 42.811 kr.

8 mánuðir 48.927 kr.

9 mánuðir 55.043 kr.

10 mánuðir 61.158 kr.

11 mánuðir 67.274 kr.

12 mánuðir 73.390 kr.

Eingreiðslan fellur niður við 3.423.930 kr. á ári í tekjur eða 285.328 krónur á mánuði fyrir utan greiðslur frá TR.

Þrjú dæmi um útreikning eingreiðslunnar:

Dæmi 1

Einstaklingur með 60.000 krónur í lífeyrissjóðstekjur á mánuði samhliða greiðslum TR og 20.000 kr. á mánuði í fjármagnstekjur. Viðkomandi er giftur og skiptast því fjármagnstekjur til helminga á milli hjóna. Mánaðartekjur viðkomandi eru því 70.000 krónur á mánuði.

Árstekjur: 840.000 kr.

Frítekjumark: 1.200.000 kr.

Tekjur umfram frítekjumark: 0 kr.

Lækkun vegna tekna: 0 kr. (3,3% af 0 kr.)

Eingreiðsla: 73.390 kr.

Dæmi 2

Einstaklingur með 230.000 kr. í lífeyrissjóðstekjur á mánuði samhliða greiðslum TR og 15.000 kr. á mánuði í fjármagnstekjur. Mánaðartekjur eru því 245.000 krónur.

Árstekjur: 2.940.000 kr.

Frítekjumark: 1.200.000 kr.

Tekjur umfram frítekjumark: 1.740.000 kr.

Lækkun vegna tekna: 57.420 kr. (3,3% af 1.740.000 kr.)

Eingreiðsla: 15.970 kr. (73.390 kr – 57.420)

Dæmi 3

Einstaklingur með 260.000 kr. í lífeyrissjóðstekjur á mánuði samhliða greiðslum TR og 70.000 kr. á mánuði í fjármagnstekjur. Viðkomandi er giftur og skiptast því fjármagnstekjur til helminga á milli hjóna. Mánaðartekjur viðkomandi eru því 295.000 krónur á mánuði.

Árstekjur: 3.540.000 kr.

Frítekjumark: 1.200.000 kr.

Tekjur umfram frítekjumark: 2.340.000 kr.

Lækkun vegna tekna: 77.220 kr. (3,3% af 2.340.000 kr.)

Greiðsluréttur: 0 kr. (3.830 krónur umfram grunnupphæð og því er enginn greiðsluréttur)

Dæmi 4

Einstaklingur með 285.328 kr. í lífeyrissjóðstekjur á mánuði samhliða greiðslum TR á mánuði.

Árstekjur: 3.423.936 kr.

Frítekjumark: 1.200.000 kr.

Tekjur umfram frítekjumark: 2.223.936 kr.

Lækkun vegna tekna: 73.390 kr. (3,3% af 2.223.936 kr.)

Eingreiðsla: 0 kr. (73.390 – 73.390)