Drónabann á Menningarnótt 2025

Svæðið sem um ræðir er merkt með blárri og rauðri þekju á kortinu hér fyrir ofan og afmarkast af Hringbraut til suðurs og Snorrabraut til vesturs.

Bláa svæðið er lokað frá kl. 07:00 til 15:00 þann 23. ágúst 2025 vegna Reykjavíkurmaraþons.

Rauða svæðið er lokað frá kl 07:00 23. ágúst 2025 til 06:00 þann 24. ágúst 2025 vegna Menningarnætur.

Allt drónaflug er bannað á svæðunum á þessum tímabilum, nema með sérstöku leyfi lögreglustjórans á höfuðborgarsvæðinu.

Undanþágubeiðnir skal senda til Lögreglunnar á höfuðborgarsvæðinu í gegnum netfangið lmde@lrh.is.

Drónabannið er sett á grundvelli d-liðar 3. gr. reglugerðar 1360/2024.