Dómsmálaráðherra í heimsókn

Guðrún Hafsteinsdóttir dómsmálaráðherra kom í heimsókn til landskjörstjórnar í morgun ásamt aðstoðarmanni sínum Árna Grétari Finnssyni og Bryndísi Helgadóttur skrifstofustjóra skrifstofu réttarfars og stjórnsýslu í dómsmálaráðuneytinu.

Ástríður Jóhannesdóttir framkvæmdastjóri landskjörstjórnar kynnti hlutverk og verkefni þessarar nýju stofnunar sem fer nú með framkvæmd kosninga sem og helstu áskoranir í starfinu. Landskjörstjórn sem er sjálfstæð stjórnsýslunefnd heyrir stjórnarfarslega undir dómsmálaráðherra sem fer með málefni kosninga.

Landskjörstjórn þakkar ráðherra og fylgdarliði kærlega fyrir komuna.