Alvarlegar líkamsárásir – fjórir handteknir

Fjórir karlmenn eru í haldi Lögreglunnar á höfuðborgarsvæðinu vegna rannsóknar hennar á tveimur, mjög alvarlegum líkamsárásum í umdæminu í gær. Málin eru ótengd, en það fyrra átti sér stað í Breiðholti um miðjan dag í gær og það seinna í Kópavogi undir miðnætti. Einn var handtekinn vegna fyrra málsins og þrír vegna þess seinna. Árásarþolar, einn í hvoru máli, voru fluttir á slysadeild og er líðan þeirra eftir atvikum. Ákvörðun um hvort krafist verður gæsluvarðhalds yfir hinum handteknu liggur ekki fyrir.

Ekki er hægt að greina frekar frá rannsókn málanna að svo stöddu.