Fjölbreytt og áhugaverð sumarstörf í boði fyrir námsmenn

Skráning og birting tölulegra upplýsinga, kortlagning upplýsinga, aðstoð við þýðingar og uppfærslur á vef er á meðal þeirra verkefna sem embætti landlæknis býður námsmönnum í sumar.

Um er að ræða sumarstörf/átaksverkefni fyrir fimm starfsmenn.

Skilyrði er að umsækjendur séu 18 ára á árinu eða eldri og í námi á milli anna.

Frekari upplýsingar um störfin veitir Þórgunnur Hjaltadóttir, mannauðsstjóri í síma: 510-1900 netfang: thorgunnur@landlaeknir.is

Umsóknarfrestur er til og með 6. júní 2020.

Sótt er um störfin á vef Vinnumálastofnunar

Svið sóttvarna hjá embætti landlæknis: Háskólanemi í aðstoð við skráningu og birtingu tölulegra upplýsinga 

Svið eftirlits og gæða heilbrigðisþjónustu: Háskólanemi í yfirferð heimasíðu.

Svið lýðheilsu. Sálfræðinemi í verkefni á lýðheilsusviði embættis landlæknis.

Svið heilbrigðisupplýsinga. Háskólanemi í uppfærslu á innri vef embættis landlæknis. 

Miðstöð rafrænna heilbrigðislausna: Háskólanemi í yfirferð flokkunarkerfa í heilbrigðisþjónustu.