Árétting vegna frétta um virkjun viðbragðsáætlunar vegna kórónuveiru

Ekki er rétt eins komið hefur fram í fjölmiðlum í dag að viðbragðsáætlun hafi verið virkjuð vegna faraldurs kórónuveiru. Í frétt sem sóttvarnalæknir birti á vefsíðu landlæknis í dag kemur ekkert slíkt fram heldur aðeins að unnið sé í samræmi við fyrirliggjandi áætlun.

Sú vinna sem nú á sér stað í tengslum við viðbragðsáætlun vegna smitsjúkdóma tekur fyrst og fremst til samhæfingar og aukins samráðs. Ekki hefur verið lýst yfir óvissuástandi vegna kórónaveirunnar; slíkt myndi kalla á virkjun viðbragðsáætlunar vegna smitsjúkdóma. Óvissustigi yrði lýst yfir t.d. þegar grunur leikur á að smit hafi komið upp hér á landi.

Sóttvarnalæknir