Afnám skemmri einangrunar einkennalítilla með COVID-19

Vegna uppgangs breska afbrigðis SARS-CoV-2 hér á landi og nýlegrar greiningar bæði brasilísks og suður-afrísks afbrigðis hefur verið ákveðið að ekki megi lengur aflétta einangrun hjá einkennalitlum og einkennalausum einstaklingum þegar 10 dagar eru liðnir frá greiningu og 3 dagar frá síðustu einkennum. Þessi ákvörðun kemur til af því að minna er vitað um almennan sjúkdómsgang vegna þessara stofna en þeirra sem áður hafa verið algengastir í Evrópu. Þegar ítarlegri upplýsingar liggja fyrir um framgang einkennalítilla eða einkennalausra sýkinga með þessum stofnun verður ákvörðunin endurskoðuð.

Sóttvarnalæknir