Einstaklingar geta nú sjálfir endurnýjað ákveðnar hjálpartækjaheimildir

Ný virkni er komin á Mínar síður á island.is sem gerir einstaklingum kleift að endurnýja ákveðnar hjálpartækjaheimildir sjálfir, án milligöngu heilbrigðisstarfsfólks eða seljenda. Sama virkni hefur verið aðgengileg í Gagnagátt Sjúkratrygginga frá því í sumar fyrir heilbrigðisstarfsfólk og seljendur.

Þær vörur sem virknin er komin inn fyrir eru meðal annars:

• Þvagleggi og þvagpoka

• Ákveðin hjálpartæki vegna sykursýki

• Hárkollur, höfuðföt, gerviaugabrúnir, augnhár og húðflúr

• Þrýstisokkar

• Gómar vegna kæfisvefns

• Gervibrjóst og fleygar

• Bleiur

• Stómavörur

• Hlífðarhanskar

• Innlegg í skó

Þessar umsóknir afgreiðast strax, að uppfylltum ákveðnum skilyrðum, og berst svarbréf daginn eftir í stafræna pósthólfið. Þróun þessarar virkni heldur áfram hjá Sjúkratryggingum og verður fleiri heimildum bætt með tímanum.

Hjálpartækjaheimildirnar má finna á Mínum síðum undir Heilsa → Hjálpartæki og næring:

Þessi viðbót er mikilvægt skref í þjónustu Sjúkratrygginga og eykur skilvirkni fyrir heilbrigðisstarfsfólk og seljendur en fyrst og fremst einfaldar þetta endurnýjanir fyrir einstaklinga sem þurfa á hjálpartækjum að halda.