Talsmaður er lögfræðingur sem talar máli umsækjenda um alþjóðlega vernd og gætir hagsmuna þeirra gagnvart íslenskum stjórnvöldum á meðan mál þeirra eru til meðferðar.

Á meðal þess sem talsmaður gerir er:

• Að mæta í viðtal með umsækjanda þegar það er boðað.

• Að skila inn gögnum og greinargerð fyrir hönd umsækjanda, eftir því sem þörf er á.

• Að aðstoða umsækjanda við öflun heilbrigðisgagna, ef það er nauðsynlegt við meðferð málsins.

• Að taka við ákvörðunum stjórnvalda fyrir hönd umsækjanda og leiðbeina honum um mögulegt framhald máls, svo sem kæruleiðir eða möguleikann til sjálfviljugrar heimferðar. 

Hlutverk talsmanns hefst við skipun hans og lýkur við endanlega ákvörðun á stjórnsýslustigi.

Þjónusta talsmanna er umsækjendum um vernd að kostnaðarlausu. Ef þú vilt velja annan talsmann en þér er skipaður þarftu sjálf/-ur að bera kostnaðinn af þjónustunni.