Aðstoð við sjálfviljuga heimför tryggir þér öruggt ferðalag aftur til heimaríkis, eða ríkis þar sem þú hefur heimild til dvalar, án aðkomu lögreglu.

Aðstoðin sem er í boði er mismunandi eftir þörfum umsækjanda. Á meðal þess sem aðstoðin getur falið í sér er:

• Ráðgjöf og upplýsingar um aðstoð í heimaríki

• Flugfar og samgöngur til og frá flugvelli til lokaáfangastaðar í heimaríki

• Aðstoð við öflun ferðaskilríkja

• Aðstoð við brottför, gegnumferð og komu til heimaríkis

• Þjónustu og læknisaðstoð sem umsækjandi gæti þurft á að halda meðan á ferðalagi stendur

• Ferðastyrk og enduraðlögunarstyrk í samræmi við reglugerð um enduraðlögunarstyrk og ferðastyrk til umsækjenda um alþjóðlega vernd

Þú getur óskað eftir aðstoð við sjálfviljuga heimför með því að fylla út beiðni og senda eyðublaðið í tölvupósti á return@utl.is.