Þú þarft að vera á Íslandi, annað hvort við landamæri landsins eða innan þeirra, til að sækja um alþjóðlega vernd hér á landi.

Umsókn þarf að leggja fram í eigin persónu. Hún þarf ekki að vera á tilteknu formi og er nóg að umsækjandi lýsi ósk sinni munnlega.

Hægt er að sækja um vernd hjá lögreglunni á Keflavíkurflugvelli við komuna til landsins.

Einstaklingar sem þegar eru komnir til landsins geta sótt um vernd í móttökumiðstöð fyrir umsækjendur um alþjóðlega vernd að Egilsgötu 3 í Reykjavík. Þar er opið á dagvinnutíma.

Einstaklingar sem staddir eru utan höfuðborgarsvæðisins geta sótt um vernd á næstu lögreglustöð.