Sjálfviljug heimför er leið fyrir útlending, sem hefur fengið synjun á umsókn um alþjóðlega vernd eða dregið umsókn um vernd til baka, til að komast aftur til heimalands án aðkomu lögreglu.

Útlendingastofnun veitir aðstoð við sjálfviljuga heimför í samstarfi við Alþjóðlegu fólksflutningastofnuninni (IOM) og Landamærastofnun Evrópu (Frontex). Metið er í hverju tilviki fyrir sig hvaða úrræði umsækjendum stendur til boða.

Ef þú vilt óska eftir aðstoð við sjálfviljuga heimför getur þú sent tölvupóst á return@utl.is. Upplýsingar um nafn og fæðingardag þurfa að koma fram í póstinum.