Útlendingastofnun gerir ákveðnar kröfur til talsmanna umsækjenda um alþjóðlega vernd til að tryggja hæfi þeirra og fagleg vinnubrögð. Einungis þeir sem hafa sótt um og fengið samþykkt að sinna slíkri þjónustu verða skipaðir talsmenn af stofnuninni.

Athugaðu þó að stofnunin gerir ekki athugasemd við að þú veljir þér annan umboðsaðila, t.d. lögmann, til að fara með mál þitt en það skal gert á eigin kostnað og eigin ábyrgð.

Nánari upplýsingar um talsmannaþjónustu fyrir umsækjendur um vernd má finna á vef Útlendingastofnunar.