Að loknum viðtölum og öðru formlegu mati þarf að bera umsækjendur saman eftir fyrirfram skilgreindum hæfnisþáttum sem koma fram í auglýsingu og meta hver þeirra er hæfastur í starfið. Nánar er fjallað um þetta í hæfnisskilyrðum.

Komi upp sú staða að tveir eða fleiri umsækjendur teljast jafn hæfir til að gegna umræddu starfi, getur 19. gr. jafnréttislaga átt við en þar er bannað að mismuna umsækjendum á grundvelli kyns við ráðningar. 

Einnig geta ákvæði laga um þjónustu við fatlað fólk með stuðningsþarfir átt við en þar er kveðið á um að fatlaðir skuli eiga forgang að atvinnu hjá ríki og sveitarfélagi ef hæfni þeirra til starfsins er meiri eða jöfn hæfni annarra umsækjanda.