Óheimilt er að taka umsókn til greina sem berst að liðnum auglýstum umsóknarfresti. Á það við bæði um almenn störf og embætti.

Þó má víkja frá þeirri reglu ef:

• afsakanlegar ástæður eru fyrir því að umsókn barst of seint

• starfið er auglýst laust til umsóknar á ný með framlengdum umsóknarfresti

Eftir að umsóknarfrestur rennur út er óheimilt að taka við umsóknum en hægt er að framlengja umsóknarfrest með sérstakri auglýsingu og gilda þá sömu reglur og áður um auglýsingu á starfi.

Orðalag slíkrar endurauglýsingar gæti verið með eftirfarandi hætti:

• fyrir almenn störf: „Með auglýsingu þessari er framlengdur áður auglýstur umsóknarfrestur um starf xxxx sem birtist í xxxblaðinu þann xxxx“

• fyrir embætti: „Með auglýsingu þessari er framlengdur áður auglýstur umsóknarfrestur um stöðu xxxx sem birtist í Lögbirtingarblaði þann xxxx."