Þróunarsjóður námsgagna

Skilyrði úthlutunar

Námsefnið þarf að henta til kennslu á þremur fyrstu skólastigunum. Námsefni fyrir háskólastig og fullorðinsfræðslu er ekki styrkt.

Samkvæmt reglugerð sjóðsins skal mat á umsóknum einkum byggjast á eftirtöldum sjónarmiðum:

• gildi og mikilvægi verkefnis með tilliti til þeirra markmiða sem Þróunarsjóði námsgagna eru sett,

• líkum á því að umsækjanda takist að ná þeim markmiðum er verkefnið miðar að,

• starfsferli og faglegum eða fræðilegum bakgrunni umsækjanda og annarra þátttakenda m.t.t. þeirra krafna sem verkefnið gerir til þeirra.

Umsækjendum er bent á að kynna sér matskvarða Þróunarsjóðs námsganga.

Mats- og úthlutunarferlið

• Hver umsókn er gæðametin af einum ytri matsmanni og einum stjórnarmanni.

• Út frá gæðamati gerir stjórn tillögu að úthlutun. 

• Mennta- og barnamálaráðherra tekur ákvörðun um úthlutun styrkja út frá frá tillögu stjórnar.

• Allir umsækjendur fá tilkynningu um hvort þeir hafa hlotið styrk eða ekki.

• Verði af veitingu styrks þarf forsvarsmaður styrkþega að undirrita rafrænt skilmála styrksins.

• Umsóknir eru meðhöndlaðar sem trúnaðargögn. 

• Reglur 3.gr. stjórnsýslulaga gilda um vanhæfi stjórnarmanna/matsmanna.