Fara beint í efnið

Ísland.is appið

Með ríkið í vasanum

Handbók fyrir námsefnishöfunda

Þjónustuaðili:

Miðstöð menntunar og skólaþjónustu

Gæðaviðmið fyrir námsefni og leiðbeiningar um frágang texta og mynda. Hér má nálgast pdf útgáfu af handbókinni.

Námsgagnasvið

    Um handbókina

    Um handbókina

    Handbók fyrir námsefnishöfunda er ætlað að styðja við faglega og markvissa gerð námsefnis. Hún sameinar gæðaviðmið og hagnýtar leiðbeiningar sem nýtast höfundum – hvort sem efnið er ætlað í prent, stafræna miðlun eða hvort tveggja.

    Handbókin skiptist í tvo meginkafla:

    Gæðaviðmið fyrir námsefni – sem fjalla um innihald, uppbyggingu og framsetningu

    Leiðbeiningar um frágang texta og mynda – sem tryggja tæknilega og útlitslega samræmingu

    Með því að fylgja þessum viðmiðum aukast líkur á að efnið verði aðgengilegt, vandað og í takt við menntastefnu og þarfir íslenskra nemenda. Markmiðið er skýrt: Að styðja við gerð hágæða námsefnis sem nýtast mun vel í námi og kennslu.

    Gæðaviðmið fyrir námsefni

    Gæðaviðmiðin eru sett fram til að styðja við höfunda, ritstjóra og aðra sem koma að gerð námsefnis fyrir íslenskt skólakerfi. Þau byggja á gildandi lögum um námsgögn, aðalnámskrá grunnskóla og menntastefnu til ársins 2030.

    Leiðbeiningar um frágang texta og mynda

    Leiðbeiningarnar miða að því að tryggja vandaðan, samræmdan og faglegan frágang á námsefni, hvort sem um er að ræða prentað efni eða stafræna birtingu hjá Miðstöð menntunar og skólaþjónustu. Höfundar, ritstjórar og þau sem vinna með texta og myndefni geta stuðst við þessar leiðbeiningar til að auðvelda alla vinnslu, frá ritun til hönnunar og útgáfu. Farið er yfir helstu atriði sem varða innslátt texta, uppsetningu mynda og annað sem hefur áhrif á útlit og framsetningu efnis. Með því að fylgja þessum leiðbeiningum verður efnið faglegra, aðgengilegra og einfaldara í hönnun og umbroti – sem flýtir fyrir ferlinu frá hugmynd að útgefnu efni.