Lyfjafræðingur í lyfjaþjónustu

Lyfjaþjónusta Landspítala óskar eftir lyfjafræðingi til starfa í blöndunareiningu. Um er að ræða fjölbreytt starf sem sameinar verkefni á sviði lyfjablöndunar og ráðgjafar um næringu í æð. Starfið felur meðal annars í sér verkefni tengd næringarmeðferð í æð, þar á meðal ráðgjöf og eftirfylgni, samhliða verkefnum á sviði lyfjablöndunar, gæðastarfs og þróunar starfseminnar. Í lyfjablöndun starfar samhentur 20 manna hópur lyfjafræðinga, lyfjatækna og sérhæfðs starfsfólks. Þar fer fram sérhæfð lyfjablöndun í hreinum rýmum, einkum blöndun krabbameinslyfja, sýklalyfja og næringar í æð.

Lyfjaþjónusta gegnir mikilvægu hlutverki í öruggri og markvissri lyfjameðferð sjúklinga á Landspítala. Innan þjónustunnar starfa um 90 manns við fjölbreytt verkefni sem tengjast meðal annars öflun, blöndun og dreifingu lyfja, auk faglegrar ráðgjafar og upplýsingagjafar um lyf. Lyfjaþjónusta er stöðugt að þróa starfsemi sína til að bæta lyfjaöryggi og lyfjaumsýslu á Landspítala. Nú starfa um 40 lyfjafræðingar í fjölbreyttum verkefnum á Landspítala og mikil framþróun er framundan með tilkomu nýs meðferðarkjarna.

Um er að ræða dagvinnu og æskilegt er að viðkomandi geti hafið störf sem fyrst.

Vinnuvika starfsfólks í fullri dagvinnu er 36 stundir sem stuðlar að betra jafnvægi milli vinnu og einkalífs.

• Undirbúningur og útreikningur fyrir næringarblöndur í æð

• Utanumhald á sjúklingum sem eru með næringu í æð

• Fagleg ráðgjöf til heilbrigðisstarfsfólks og skjólstæðinga um næringu í æð

• Samskipti við lyfjablöndun, aðrar deildir sjúkrahússins og aðrar heilbrigðisstofnanir

• Umsjón, undirbúningur og framkvæmd lyfjablöndunar

• Faglegt eftirlit og yfirferð á lyfjablöndum

• Þátttaka í uppbyggingu gæðakerfis

• Þátttaka í þjálfun nema og nýrra starfsmanna eftir því sem við á

• Önnur tilfallandi verkefni

• Íslenskt starfsleyfi sem lyfjafræðingur

• Skipulögð, nákvæm og öguð vinnubrögð

• Afbragðs samskiptahæfni og sveigjanleiki

• Öflugur liðsmaður og jákvætt viðmót

• Góð íslensku- og tölvukunnátta

Laun samkvæmt gildandi kjarasamningi sem fjármála- og efnahagsráðherra og Lyfjafræðingafélag Íslands hafa gert.

Umsókn fylgi náms- og starfsferilskrá ásamt kynningarbréfi og afriti af prófskírteinum og starfsleyfi. Fylgiskjöl skulu vera á pdf formi.

Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.

Landspítali er lifandi og fjölbreyttur vinnustaður þar sem um 7000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Landspítali hefur hlotið jafnlaunavottun samkvæmt jafnlaunastaðlinum ÍST85:2012, úttekt framkvæmd af Versa vottun ehf.

Umsóknir geta gilt í 6 mánuði frá birtingu auglýsingar, sbr. 3. tl. 2. mgr. 2. gr. reglna nr. 1000/2019 um auglýsingar lausra starfa með síðari breytingum.

Starfsmerkingar: Heilbrigðisþjónusta, lyfjafræðingur, teymisvinna

Tungumálahæfni: íslenska 4/5,

Staðsetning: Hringbraut, 101 Reykjavík