Skjalastjóri

Landsbókasafn Íslands - Háskólabókasafn leitar að öflugum og metnaðarfullum skjalastjóra.

Skjalastjóri hefur umsjón með skjala- og gæðakerfi safnsins og þróun skjalastjórnunar á safninu og styður við innleiðingu og samræmingu verklags þvert á safnið. Skjalastjóri heyrir undir landsbókavörð og starfar þvert á svið safnsins í verkefnum sínum.Í boði er áhugavert og krefjandi starf, þar sem reynir á samskiptahæfni, frumkvæði og fagmennsku, í sveigjanlegu starfsumhverfi og tækifæri til að þróast og þroskast í starfi.

• Umsjón með þróun og nýtingu skjalavörslu- og gæðakerfis safnsins

• Móttaka, skráning, varðveisla og miðlun skjala

• Gerð og viðhald málalykils, skjalavistunar- og grisjunaráætlunar og afhending rafrænna gagna til langtímavarðveislu

• Leiðir þróun og eftirfylgni með skjalastefnu og verklagi við skjalastjórn

• Stýring og viðhald á gæðaskjölum

• Ráðgjöf og fræðsla fyrir starfsfólk um skjalavörslu- og gæðakerfið

• Önnur tilfallandi verkefni

• Háskólapróf á sviði skjalastjórnunar eða sambærileg menntun sem nýtist i starfi

• Þekking og reynsla á skjalavörslu og skjalastjórn

• Þekking á skjala- og málakerfi OneSystems æskileg

• Mjög góð tölvu- og tæknikunnátta

• Mjög góð íslensku- og enskukunnátta

• Skipulagsfærni, frumkvæði og sjálfstæði í starfi og öguð vinnubrögð

• Þjónustulund, færni í mannlegum samskiptum og jákvætt viðmót

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Umsókn skal fylgja ferilskrá og kynningarbréf þar sem gerð er grein fyrir ástæðu umsóknar og rökstuðningi fyrir hæfni viðkomandi í starfið. Umsóknarfrestur er til og með 7. október 2026. Öllum umsóknum verður svarað þegar ákvörðun um ráðningu hefur verið tekin. Við ráðningar er tekið mið af jafnréttisáætlun safnsins. Landsbókasafn Íslands - Háskólabókasafn áskilur sér rétt til að hafna öllum umsóknum.

Landsbókasafn Íslands - Háskólabókasafn er þjóðbókasafn og bókasafn Háskóla Íslands. Safnið er í forystu um öflun, varðveislu og miðlun upplýsinga og eflir þannig menningu, rannsóknir og nýsköpun.

Landsbókasafn Íslands - Háskólabókasafn | Þjóðarbókhlöðunni | s. 525-5600 | www.landsbokasafn.is

Þekkingarveita í allra þágu