Iðjuþjálfi - Egilsstaðir - Endurhæfingardeild - Afleysing

Heilbrigðisstofnun Austurlands (HSA) óskar eftir að ráða iðjuþjálfa í afleysingu frá 1. október 2026 - 31. ágúst 2027 við Endurhæfingardeild HSA á Egilsstöðum. Starfið er fjölbreytt og sveigjanlegt. Um er að ræða 70% starfshlutfall eða skv. nánara samkomulagi.

Almenn iðjuþjálfastörf fyrir einstaklinga og hópa. Fagleg ábyrgð hvað varðar undirbúning, framkvæmd og skráningu íhlutunar. Nýtir viðeigandi matstæki, gerir færnimat og skipuleggur íhlutunaráætlanir fyrir skjólstæðinga á ólíkum aldri og miðlar nauðsynlegum upplýsingum til annarra. Stuðlar að og viðheldur sjálfstæði skjólstæðinga og eflir þá til sjálfshjálpar.

Íslenskt starfsleyfi. Lögð er áhersla á metnað í starfi, skipulögð vinnubrögð, jákvæðni og sveigjanleika. Lipurð og áreiðanleiki í samskiptum eru skilyrði. Íslenskukunnátta áskilin.

Laun samkvæmt gildandi kjarasamningi sem fjármála- og efnahagsráðherra og Iðjuþjálfafélag Íslands hafa gert.

Umsóknum um auglýst störf skal skilað rafrænt til HSA . Öllum umsóknum verður svarað. Tekið er mið af jafnréttisstefnu HSA við ráðningar. Tóbaksnotkun er ekki heimil á vinnutíma innan HSA.HSA starfar á þremur fagsviðum; heilsugæslu-, hjúkrunar- og sjúkrasviði en alls eru starfsstöðvarnar fjórtán talsins. Áhersla er lögð á samvinnu þvert á byggðarlög. Stofnunin þjónar rúmlega 11.000 íbúum frá Djúpavogi til Bakkafjarðar, auk ferðamanna sem sækja Austurland heim. HSA vill byggja þjónustu sína á mannvirðingu, þekkingu og þverfaglegri samvinnu.