Sérhæfður starfsmaður í ræstingum

Við óskum eftir að ráða jákvæðan og þjónustulipran einstakling með ríka samskipta- og samstarfshæfni til starfa á skurðstofum Landspítala við Hringbraut. Starfið er fjölbreytt og felst meðal annars í ræstingum á skurðstofum og skurðstofugangi, þrifum á svæfingarvélum og öðrum búnaði, áfyllingum og öðrum tilfallandi verkefnum. Starfað er í teymi og því er mikilvægt að umsækjendur búi yfir góðri samstarfshæfni, sveigjanleika og skipulögðum vinnubrögðum. Gerð er krafa um góða íslenskukunnáttu og að umsækjendur hafi náð 18 ára aldri.

Starfið er vaktavinna og unnið er á morgunvöktum (08-17 og 12-20), kvöldvöktum (15-23) og næturvöktum (20-08). Einnig er unnið aðra hverja helgi á tvískiptum 12 tíma vöktum, auk bakvakta. Ráðið er í starfið frá 1. nóvember 2026 eða samkvæmt nánara samkomulagi. Starfshlutfall er 100%.

Á skurðstofum Landspítala við Hringbraut eru 11 skurðstofur sem þjóna 7 sérgreinum og árlega eru framkvæmdar þar um 10 þúsund aðgerðir. Þar starfa um 90 einstaklingar; hjúkrunarfræðingar, sjúkraliðar, sótthreinsitæknar, skrifstofufólk og sérhæft starfsfólk við fjölbreytt og krefjandi verkefni, sem unnin eru í nánu samstarfi við fagfólk í öðrum sérgreinum.

Gagnreynd þekking, viðurkenndir verkferlar, öryggi sjúklinga og teymisvinna eru höfð í fyrirrúmi og sérhæft starfsfólk gegnir veigamiklu hlutverki í að tryggja góða þjónustu við sjúklinga. Starfsemi fer fram á skurðstofum 12cd, skurðstofum 23a og á útstöðvum.

• Ræsting á skurðstofum og skurðstofugangi

• Þrif á svæfingarvélum og búnaði

• Áfyllingar á svæfingarborð

• Pöntun og frágangur á líni

• Önnur tilfallandi verkefni í samráði við deildarstjóra

• Jákvæðni og lipurð í samskiptum

• Reynsla af sambærilegu starfi er æskileg

• Hæfni til að vinna í teymi

• Rík þjónustulund og sveigjanleiki

• Sjálfstæð og skipulögð í vinnubrögð

• Góð íslenskukunnátta er áskilin

• Stundvísi og áreiðanleiki

Laun samkvæmt gildandi kjarasamningi sem fjármála- og efnahagsráðherra og Sameyki hafa gert.

Umsókn fylgi náms- og starfsferilskrá ásamt kynningarbréfi. Fylgiskjöl skulu vera á pdf formi.

Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.

Landspítali hefur hlotið jafnlaunavottun samkvæmt jafnlaunastaðlinum ÍST85:2012, úttekt framkvæmd af Versa vottun ehf.

Landspítali er lifandi og fjölbreyttur vinnustaður þar sem um 7000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Umsóknir geta gilt í 6 mánuði frá birtingu auglýsingar, sbr. 3. tl. 2. mgr. 2. gr. reglna nr. 1000/2019 um auglýsingar lausra starfa með síðari breytingum.

Starfsmerkingar: Heilbrigðisþjónusta, Sérhæfður starfsmaður, þjónustustörf, ræstingar, þrif

Tungumálahæfni: íslenska 3/5

Staðsetning: Hringbraut, 101 Reykjavík