Sérkennari, afleysing

Fjölbrautaskóli Vesturlands á Akranesi auglýsir eftir sérkennara til afleysingar í eina önn, vorönn 2027.

Starfið felst í einstaklingsmiðaðri kennslu og stuðningi við nemendur á starfsbraut skólans, með áherslu á að efla færni þeirra, sjálfstæði og þátttöku í námi og samfélagi.

FVA er framsækinn og traustur framhaldsskóli á Akranesi. Skólinn starfar samkvæmt þremur gildum; jafnrétti, virðingu og fjölbreytileika. Nemendur eru um 500 og starfsfólk skólans 70. Við skólann er starfrækt öflug starfsbraut með nemendum sem þurfa sérstök úrræði vegna námserfiðleika, félagslegra aðstæðna, fötlunar eða þroskafrávika.

• Skipulagning og framkvæmd einstaklingsmiðaðrar kennslu

• Gerð einstaklingsnámskráa, námsáætlana og námsgagna eftir þörfum

• Mat á námsstöðu nemenda, málþroska og lestrarerfiðleikum

• Aðlögun kennsluhátta og námsefnis að fjölbreyttum þörfum nemenda

• Þátttaka í teymisvinnu og samstarfi við kennara, annað starfsfólk og aðstandendur nemenda

• Sérkennaramenntun og leyfisbréf til kennslu

• Fagleg þekking, færni og áhugi á kennslu nemenda með fjölbreyttar stuðningsþarfir

• Mjög góð samskiptahæfni, samstarfshæfni og sveigjanleiki

• Hæfni til að vinna sjálfstætt og í teymi

• Góð íslenskukunnátta, bæði í ræðu og riti

Laun samkvæmt gildandi kjarasamningi sem fjármála- og efnahagsráðherra og Kennarasamband Íslands hafa gert.

Eftirfarandi gögn skulu fylgja umsókn:

• Kynningarbréf þar sem fram kemur hvernig umsækjandi uppfyllir hæfniskröfur starfsins

• Ferilskrá

• Afrit af prófskírteinum og leyfisbréfi

• Upplýsingar um umsagnaraðila sem hafa má samband við

Ákvörðun um ráðningu byggir á innsendum gögnum og viðtölum. Öllum umsóknum verður svarað.

Við ráðningu er tekið er mið af jafnréttisáætlun FVA.