Iðjuþjálfi-Sálfræðingur-Sérkennari-Þroskaþjálfi

Framhaldsskólinn í Mosfellsbæ leitar eftir fagaðila til starfa við Sérnámsbraut skólans frá og með 15. september 2026 út skólaárið 2026/2027.

Um er að ræða námsbraut fyrir fatlaða nemendur með fjölbreyttar og viðkvæmar stuðningsþarfir.

Sérfræðingar vinna samkvæmt stefnu og hugmyndafræði skólans um leiðsagnarnám þar sem notaðar eru fjölbreyttar og verkefnamiðaðar kennsluaðferðir.

Starfshlutfall 100%

Kennsla og þjónusta við nemendur

Skipulag og uppbygging náms

Gerð einstaklingsáætluna og námsgagna

Þátttaka í teymisvinnu í samvinnu við nemendur, foreldra og fagaðila

Þróun skólastarfs í samvinnu við stjórnendur og fagaðila skólans

Háskólamenntun sem nýtist í starfi

Reynsla í þjónustu við einstaklinga með viðamiklar og viðkvæmar stuðningsþarfir

Þekking á skipulögðum vinnubrögðum s.s. TEACCH er kostur

Jákvæðni og áhugi á að starfa í skapandi og metnaðarfullu umhverfi

Lipurð í mannlegum samskiptum

Stundvísi og áreiðanleiki

Laun samkvæmt gildandi kjarasamningi sem fjármála- og efnahagsráðherra og Kennarasamband Íslands hafa gert.

Starfsheiti og stéttarfélag fer eftir því hvort um er að ræða atferlisfræðing, sálfræðing, sérkennara eða þroskaþjálfa.

Umsókn skal fylgja afrit af prófskírteinum og leyfisbréfi, ítarleg starfsferilsskrá og kynningarbréf þar sem gerð er grein fyrir ástæðu umsóknar og rökstuðningur fyrir því hvernig umsækjandi uppfyllir hæfnikröfur. Umsækjendur þurfa að skila inn hreinu sakavottorði skv. lögum nr. 92/2008. Umsóknir geta gilt í sex mánuði frá því að umsóknarfrestur rennur út nema að umsækjandi ákveði annað.

Í samræmi við jafnréttisáætlun skólans er áhugasamt fólk af öllum kynjum hvatt til að sækja um starfið. Mat á hæfni umsækjenda byggist á innsendum gögnum og viðtölum við umsækjendur. Öllum umsóknum verður svarað þegar ráðning liggur fyrir.