Móttökuritari - Heilsugæslan Efra Breiðholti

Heilsugæslan Efra-Breiðholti leitar að skemmtilegum og jákvæðum einstaklingi í starf móttökuritara. Starfið er fjölbreytt og unnið í lifandi umhverfi þar sem góð samskiptahæfni, þjónustulund og jákvætt viðmót skipta miklu máli. Ef þú hefur gaman af samskiptum við fólk og metnað til að veita framúrskarandi þjónustu viljum við gjarnan fá að hitta þig.

Um er að ræða 50% tímabundið starf til eins árs. Vinnutíminn er að mestu fyrir hádegi og æskilegt er að viðkomandi geti hafið störf sem fyrst.

Heilsugæslan Efra Breiðholti þjónar fyrst og fremst íbúum Efra-Breiðholts en öllum er frjálst að skrá sig á stöðina. Mikil þróunarvinna er í gangi og stöðugt er unnið að því að bæta þjónustu við skjólstæðinga.

Nánari upplýsingar um starfsemi stöðvarinnar má finna á vef heilsugæslunnar https://island.is/s/hh

• Símsvörun, bókanir og móttaka skjólstæðinga

• Almenn upplýsingagjöf um starfsemi stöðvarinna

• Tekur á móti skilaboðum og kemur þeim til réttra aðila.

• Sinnir tímabókunum í viðtöl hjá læknum, hjúkrunarfræðingum og öðru fagfólki.

• Flokkun á pósti og rafrænum sendingum ásamt skönnun og frágangi gagna

• Sér um að opna heilsugæslustöð að morgni þegar þess þarf

• Önnur tilfallandi verkefni

• Nám sem nýtist í starfi

• Hæfni og lipurð í mannlegum samskiptum

• Jákvæðni og rík þjónustulund

• Reynsla af móttökuritarastarfi æskileg

• Reynsla af Sögukerfi kostur

• Nákvæm og skipulögð vinnubrögð

• Góð almenn tölvukunnátta er nauðsynleg

• Íslenskukunnátta skilyrði

• Góð almenn enskukunnátta æskileg

Laun samkvæmt gildandi kjarasamningi sem fjármála- og efnahagsráðherra og Sameyki hafa gert.

Umsókn skal fylgja ítarleg náms- og starfsferilskrá og kynningarbréf þar sem gerð er grein fyrir ástæðu umsóknar. Leggja skal fram staðfestar upplýsingar um menntun, fyrri störf og reynslu. Mat á hæfni umsækjenda byggist á innsendum gögnum og viðtölum við umsækjendur. Gögn sem ekki er hægt að senda rafrænt skulu berast Katli Berg Magnússyni, framkvæmdarstjóra mannauðs Heilsugæslu höfuðborgarsvæðisins, Álfabakka 16, 109 Reykjavík. HH áskilur sér rétt að óska eftir hreinu sakavottorði.

Tekið er mið af jafnréttis- og mannréttindastefnu Heilsugæslu höfuðborgarsvæðisins við ráðningu í starfið. Öllum umsóknum verður svarað þegar ákvörðun um ráðningu liggur fyrir. Umsókn getur gilt í 6 mánuði.