Lífeindafræðingur á rannsóknadeild Sjúkrahússins á Akureyri

Ertu góður liðsmaður og langar þig að starfa í fjölbreyttu og hvetjandi starfsumhverfi?

Laus er til umsóknar staða lífeindafræðings á rannsóknadeild Sjúkrahússins á Akureyri.Starfshlutfall er 80-100% í dagvinnu auk bakvaktaskyldu.Um er að ræða ótímabundna stöðu sem er laus nú þegar eða eftir nánar samkomulagi.

Næsti yfirmaður er Inga Stella Pétursdóttir deildarstjóri rannsóknadeildar

Rannsóknadeildin sinnir þjónustu við Sjúkrahúsið á Akureyri ásamt öðrum heilbrigðisstofnunum á Norðausturlandi. Nú stendur yfir vinna við faggildingu deildarinnar sem stefnt er á að ljúka árið 2027.

• Almenn störf lífeindafræðinga á sviði klínískrar lífefnafræði, blóðmeinafræði, sýkla- & veirufræði og í blóðbanka

• Gætir að öryggi allra upplýsinga og fylgir öryggisstefnu

• Ber ábyrgð á þeim rannsóknum sem hann framkvæmir og svarar

• Próf í lífeindafræði og gilt íslenskt starfsleyfi

• Lögð er áhersla á frumkvæði, sjálfstæð vinnubrögð og hæfileika í samskiptum og samvinnu

• Gerð er krafa um vammleysi, s.s. að vera með gott orðspor og að framkoma og athafnir á vinnustað og utan hans samrýmist starfinu

Laun eru samkvæmt gildandi kjarasamningi sem fjármála- og efnahagsráðherra og Félag lífeindafræðinga hafa gert.

Allar umsóknir þurfa að fara rafrænt í gegnum ráðningarkerfi ríkisins. Umsóknum skulu fylgja ítarlegar upplýsingar um nám og starfsferilskrá ásamt afriti af prófskírteinum og starfsleyfi, ef við á. Tekið er mið af jafnréttisstefnu Sjúkrahússins á Akureyri við ráðningar í störf á sjúkrahúsinu. Við hvetjum fólk af öllum kynjum til þess að sækja um starfið. Umsóknir geta gilt í 6 mánuði frá birtingu auglýsingar, sbr. 3. tl. 2. mgr. 2. gr. reglna nr. 1000/2019 um auglýsingar lausra starfa með síðari breytingum. Öllum umsóknum verður svarað.

Sjúkrahúsið á Akureyri veitir alþjóðlega DNV-GL vottaða heilbrigðisþjónustu með ISO vottuðu gæðastjórnunarkerfi þar sem áhersla er á virka þátttöku allra starfsmanna til að uppfylla þær gæðakröfur sem gerðar eru í alþjóðlegum staðli sem sjúkrahúsið er vottað eftir.

Samkvæmt mannauðsstefnu Sjúkrahússins á Akureyri er lögð áhersla á að ráða til starfa og halda í hæfileikaríka einstaklinga. Við val á starfsfólki er menntun, reynsla, færni og hæfni höfð að leiðarljósi. Mannauðsstefnan er leiðarljós stjórnenda og starfsfólks sem gerir sjúkrahúsið framsækinn og eftirsóknarverðan vinnustað, en hún byggir á grunngildum sjúkrahússins sem eru: ÖRYGGI, SAMVINNA og FRAMSÆKNI.