Líffræðingur - Rannsóknastarf í Hafnarfirði

Hafrannsóknastofnun óskar eftir að ráða aðila í tímabundið hlutastarf við rannsóknir sýna og gagnavinnslu í starfsstöð stofnunarinnar í Hafnarfirði. Starfið felst í fjölbreyttri vinnu við öflun og úrvinnslu gagna í landi og í rannsóknaleiðöngrum á sjó.

• Þátttaka í sýnatöku úr lönduðum afla nytjastofna.

• Þátttaka í rannsóknaleiðöngrum á sjó.

• Úrvinnsla sýna.

• Aldursgreiningar.

• Stafræn myndun kvarna og myndvinnsla.

• Samskipti við útgerðir og sjómenn.

• Önnur tilfallandi verkefni.

• B.S. í líffræði, skilyrði.

• Reynsla af aldursgreiningum, skilyrði.

• Reynsla af rannsóknavinnu, skilyrði.

• Lausnamiðun nálgun, tæknilegfærni og reynsla af myndvinnslu, skilyrði.

• Metnaður, frumkvæði og sjálfstæði í vinnubrögðum.

• Góðir skipulags- og samskiptahæfileikar.

• Jákvætt viðmót, samstarfsvilji og hæfni til að vinna í teymi.

• Góð íslenska og enskukunnátta í töluðu og rituðu máli.

• Viðkomandi þarf að geta hafið störf sem fyrst.

Laun samkvæmt gildandi kjarasamningi sem fjármála- og efnahagsráðherra og Félag íslenskra náttúrufræðinga hafa gert.

Umsókninni skal fylgja:

• Ítarleg ferilskrá - hámark 2. bls

• Afrit af prófskírteinum (doktorspróf og/eða annað)

• Kynningarbréf þar sem fram kemur bakgrunnur umsækjenda og ástæða þess að sótt er um starfið.

• Nöfn tveggja meðmælenda ásamt samskiptaupplýsingum þeirra

Athugið:

• Ófullnægjandi umsóknir eru ekki teknar til greina.

• Hafrannsóknarstofnun áskilur sér rétt til að hafna öllum umsóknum.

• Umsókn getur gilt í sex mánuði eftir að umsóknarfresti lýkur.

• Öllum umsóknum verður svarað þegar ákvörðun um ráðningu liggur fyrir.

Við ráðningu í störf við Hafrannsóknastofnun er tekið mið af jafnréttisstefnu Hafrannsóknastofnunar.

Sótt er um í gegnum starfatorg og er öllum umsóknum svarað þegar ákvörðun um ráðningu liggur fyrir

Um stofnunina

Hafrannsóknastofnun, rannsókna- og ráðgjafarstofnun hafs og vatna, heyrir undir Atvinnuvegaráðuneytið og er stærsta rannsóknastofnun landsins á sviði hafs- og vatnarannsókna. Stofnunin gegnir auk þess ráðgjafahlutverki um sjálfbæra nýtingu og verndun auðlinda hafs og vatna. Starfsemin felst einkum í fjölbreyttum rannsóknum og ráðgjafastarfi sem oft felur í sér innlent og alþjóðlegt samstarf við háskóla eða aðrar rannsóknastofnanir.. Stofnunin rekur auk höfuðstöðvar í Hafnarfirði starfsstöðvar vítt og breytt um landið, tilraunaeldisstöð og tvö rannsóknaskip. Hjá stofnuninni starfa að jafnaði um 200 manns í fjölbreyttum störfum.

Gildi Hafrannsóknastofnunar eru: Þekking - Samvinna - Þor