Klínískur næringarfræðingur við Sjúkrahúsið á Akureyri

Laus er til umsóknar 60-100% tímabundin staða næringarfræðings við Sjúkrahúsið á Akureyri.

Staðan er laus frá 1. des eða eftir samkomulagi og er til eins árs með möguleika á framlengingu.

Mikil jákvæð þróun er á starfsumhverfi næringarfræðinga við sjúkrahúsið, sem býður upp á þverfræðilega samvinnu og tækifæri til þróunar á sérsviði ásamt mikils fjölbreytileika í starfi. Næringateymi SAk samanstendur af tveimur klínískum næringafræðingum og hjúkrunarfræðing

Næsti yfirmaður er Þórdís Rósa Sigurðardóttir deildarstjóri göngudeildar lyflækninga.

• Veitir skjólstæðingum næringarmeðferð eftir gagnreyndum og viðurkenndum aðferðum og ber faglega ábyrgð á starfssviði sínu í samræmi við siðareglur næringarfræðinga

• Situr í næringaráði SAk og vinnur að stefnumótun um næringu fyrir sjúklinga og næringartengd málefni innan sjúkrahússins

• Veitir næringarráðgjöf/næringarmeðferð til einstaklinga eftir tilvísun á dag- og göngudeildum eða legudeildum

• Veitir starfsmönnum klínískra deilda leiðsögn og vinnur með starfsfólki eldhúss

• Tekur þátt í fræðslustarfi sjúkrahússins og leiðbeinir nemum

• Þáttaka í þróun starfseminnar

• Umsækjendur þurfa að hafa lokið viðurkenndu námi í klínískri næringarfræði og hafa löggildingu frá íslenskum heilbrigðisyfirvöldum

• Starfið krefst einnig skipulagshæfileika, frumkvæðis í starfi og hæfni til að vinna sjálfstætt.

• Reynsla af næringarráðgjöf/meðferðum við fjölbreyttan skjólstæðingahóp er æskileg.

• Reynsla af klínískri næringarráðgjöf á legu- og göngudeildum sjúkrahúsa er kostur.

• Gerð er krafa um vammleysi, s.s. að vera með gott orðspor og að framkoma og athafnir á vinnustað og utan hans samrýmist starfinu

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Allar umsóknir þurfa að fara rafrænt í gegnum ráðningarkerfi ríkisins. Umsóknum skulu fylgja ítarlegar upplýsingar um nám og starfsferilskrá ásamt afriti af prófskírteinum og starfsleyfi, ef við á. Tekið er mið af jafnréttisstefnu Sjúkrahússins á Akureyri við ráðningar í störf á sjúkrahúsinu. Við hvetjum fólk af öllum kynjum til að sækja um starfið. Umsóknir geta gilt í 6 mánuði frá birtingu auglýsingar, sbr. 3. tl. 2. mgr. 2. gr. reglna nr. 1000/2019 um auglýsingar lausra starfa með síðari breytingum. Öllum umsóknum verður svarað.

Sjúkrahúsið á Akureyri veitir alþjóðlega DNV-GL vottaða heilbrigðisþjónustu með ISO vottuðu gæðastjórnunarkerfi þar sem áhersla er á virka þátttöku allra starfsmanna til að uppfylla þær gæðakröfur sem gerðar eru í alþjóðlegum staðli sem sjúkrahúsið er vottað eftir.

Samkvæmt mannauðsstefnu Sjúkrahússins á Akureyri er lögð áhersla á að ráða til starfa og halda í hæfileikaríka einstaklinga. Við val á starfsfólki er menntun, reynsla, færni og hæfni höfð að leiðarljósi. Mannauðsstefnan er leiðarljós stjórnenda og starfsfólks sem gerir sjúkrahúsið framsækinn og eftirsóknarverðan vinnustað, en hún byggir á grunngildum sjúkrahússins sem eru: ÖRYGGI, SAMVINNA og FRAMSÆKNI.