Aðstoðardeildarstjóri hjúkrunar - Hlévangur, Reykjanesbæ

Heilbrigðisstofnun Suðurnesja óskar eftir að ráða til starfa aðstoðardeildarstjóra hjúkrunar á Hlévangi.

Hlévangur er ný deild innan HSS sem opnar í október 2026. Deildin verður 24 rýma hjúkrunardeild fyrir einstaklinga sem bíða eftir dvöl á hjúkrunarheimili.

Hluti af verkefnum aðstoðardeildarstjóra er að taka þátt í mótun starfseminnar og stefnu í samvinnu við deildarstjóra hjúkrunar.

Leitað er eftir áhugasömum einstaklingi með frumkvæði, faglegan metnað og jákvætt hugarfar til að taka þátt í þróun í heilbrigðisþjónustu við aldraða. Einstakt tækifæri til að taka þátt í þeirri uppbyggingu sem á sér stað í heilbrigðisþjónustu á Suðurnesjum.

Um er að ræða vaktavinnu og mikilvægt er að viðkomandi geti hafið störf sem fyrst.

• Ber faglega ábyrgð á þjónustu, skipulagi og þróun deildar

• Stuðlar að öflugri samvinnu innan og utan deildarinnar

• Sinnir fræðslu til nemenda og samstarfsfólks

• Ábyrgur fyrir skráningu og innleiðingu klínískra leiðbeininga að starfsemi deildarinnar

• Ábyrgur fyrir að byggja upp öryggismenningu á deildinni

• Skipuleggur og tekur þátt í þverfaglegu samstarfi

• Er staðgengill deildarstjóra í fjarveru hans

• Íslenskt starfsleyfi sem hjúkrunarfræðingur

• Viðbótarmenntun sem nýtist í starfi er kostur

• Reynsla og áhugi á þjónustu við aldraða

• Reynsla og þekking af gæðastarfi er kostur

• Faglegur metnaður og leiðtogahæfni

• Samskiptahæfni

• Skipulögð og nákvæm vinnubrögð

• Góð kunnátta í íslensku er skilyrði

• Frumkvæði til verka og metnaður í starfi

Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.

Umsókn fylgi náms- og starfsferilskrá, afrit af prófskírteinum og starfsleyfi ásamt kynningarbréfi þar sem fram kemur rökstuðningur fyrir hæfni og sýn á starfið. Viðtöl verða tekin við umsækjendur og byggist ákvörðun um ráðningu í starfið á þeim og innsendum gögnum.

Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum.