Starfsmaður í Tilraunaeldisstöð Hafrannsóknastofnunar

Hafrannsóknastofnun, rannsókna- og ráðgjafarstofnun hafs og vatna, auglýsir laust til umsóknar starf í Tilraunaeldisstöð stofnunarinnar í Grindavík

Í Tilraunaeldisstöðinni fer fram fjölbreytt rannsókna- og þróunarstarf sem tengist fiskeldi og líffræði fiska og annarra vatnalífvera. Rannsóknirnar ná til tegunda bæði í ferskvatni og sjó og miða meðal annars að því að þróa og bæta eldisaðferðir, auk þess að auka þekkingu á líffræði mismunandi tegunda.Starfið býður upp á tækifæri til að vinna með fjölbreyttar eldislífverur og taka þátt í spennandi rannsókna- og þróunarverkefnum. Um er að ræða fjölbreytt og verklegt starf þar sem dagleg umhirða eldislífvera og rekstur eldiskerfa fara saman við þátttöku í rannsóknum. Lögð er áhersla á að ráða lausnamiðaðan einstakling sem hefur góða færni í að vinna sjálfstætt og í teymi.

• Almenn eldisstörf og umhirða fiska á öllum stigum eldisins, frá hrognum til fullorðinna fiska.

• Ræktun og umhirða lifandi fæðudýra.

• Eftirlit með eldiskerfum, vatnsgæðum og aðbúnaði eldislífvera.

• Þátttaka í framkvæmd rannsókna og tilrauna, meðal annars við sýnatökur, mælingar og skráningu gagna.

• Þrif, viðhald og önnur verkefni sem tengjast daglegum rekstri stöðvarinnar.

• Menntun á sviði fiskeldis, líffræði, búvísinda eða skyldra greina er æskileg. Handbær reynsla af fiskeldi getur komið í stað formlegrar menntunar.

• Reynsla og þekking á fiskeldisstörfum, kostur

• Áhugi á fiskeldi, líffræði og rannsókna- og þróunarstarfi.

• Verkleg færni og reynsla af almennu viðhaldi, kostur

• Metnaður, frumkvæði og sjálfstæði í vinnubrögðum.

• Góðir skipulags- og samskiptahæfileikar.

• Jákvætt viðmót, samstarfsvilji og hæfni til að vinna í teymi.

• Góð íslensku- og enskukunnátta í töluðu og rituðu máli.

Laun eru samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Umsókninni skal fylgja:

• Ítarleg ferilskrá - hámark 2. bls

• Afrit af prófskírteinum (Bs, MS, doktorspróf og/eða annað sem á við)

• Kynningarbréf þar sem fram kemur bakgrunnur umsækjenda og ástæða þess að sótt er um starfið.

• Nöfn tveggja meðmælenda ásamt samskiptaupplýsingum þeirra

Athugið:

• Ófullnægjandi umsóknir eru ekki teknar til greina.

• Hafrannsóknarstofnun áskilur sér rétt til að hafna öllum umsóknum.

• Umsókn getur gilt í sex mánuði eftir að umsóknarfresti lýkur.

• Öllum umsóknum verður svarað þegar ákvörðun um ráðningu liggur fyrir.

Við ráðningu í störf við Hafrannsóknastofnun er tekið mið af jafnréttisstefnu Hafrannsóknastofnunar.

Sótt er um í gegnum starfatorg og er öllum umsóknum svarað þegar ákvörðun um ráðningu liggur fyrir

Um stofnunina

Hafrannsóknastofnun, rannsókna- og ráðgjafarstofnun hafs og vatna, heyrir undir Atvinnuvegaráðuneytið og er stærsta rannsóknastofnun landsins á sviði hafs- og vatnarannsókna. Stofnunin gegnir auk þess ráðgjafahlutverki um sjálfbæra nýtingu og verndun auðlinda hafs og vatna. Starfsemin felst einkum í fjölbreyttum rannsóknum og ráðgjafastarfi sem oft felur í sér innlent og alþjóðlegt samstarf við háskóla eða aðrar rannsóknastofnanir.. Stofnunin rekur auk höfuðstöðvar í Hafnarfirði starfsstöðvar vítt og breytt um landið, tilraunaeldisstöð og tvö rannsóknaskip. Hjá stofnuninni starfa að jafnaði um 200 manns í fjölbreyttum störfum.

Gildi Hafrannsóknastofnunar eru: Þekking - Samvinna - Þor