Ljósmóðir á meðgönguvernd og bráðaþjónusta kvennadeilda

Laust er til umsóknar starf ljósmóður við meðgönguvernd og bráðaþjónustu kvennadeilda. Starfið er tímabundið frá 1. desember 2026, eða samkvæmt samkomulagi, til 1. október 2027.

Deildin sinnir konum við eftirlit og umönnun vegna áhættuþátta á meðgöngu, sem og vegna bráðra vandamála sem upp kunna að koma á meðgöngu eða eftir fæðingu. Deildin sinnir jafnframt konum í upphafi og aðdraganda fæðingar ásamt einstaklingum með bráð vandamál vegna kvensjúkdóma.

Starfshlutfall er 40-80% og unnið er á morgun-, kvöld- og helgarvöktum.

• Meðgönguvernd einstaklinga sem krefjast sérhæfðs eftirlits á meðgöngu

• Móttaka og umönnun kvenna með bráð vandamál á meðgöngu eða eftir fæðingu

• Móttaka og umönnun kvenna í upphafi og aðdraganda fæðingar

• Móttaka og umönnun kvenna með bráð vandamál vegna kvensjúkdóma eða einkenna frá kvenlíffærum

• Símsvörun og símaráðgjöf vegna kvensjúkdóma og bráðra vandamála á meðgöngu og eftir fæðingu

• Virk þátttaka í faglegri þróun, teymis- og umbótastarfi

• Klínísk kennsla nema á deild

• Íslenskt ljósmóðurleyfi

• Íslenskt hjúkrunarleyfi er kostur

• Sjálfstæði í vinnubrögðum og hæfni til að vinna í teymi

• Góð samskiptahæfni og jákvætt viðhorf

• Faglegur metnaður og frumkvæði í starfi

• 2-5 ára starfsreynsla af ljósmóðurstörfum er kostur

• Reynsla af hjúkrun á kvenlækningadeild er kostur

• Áhugi á símaráðgjöf og bráðaþjónustu

• Reynsla af vaktstjórn er kostur

• Reynsla af símaráðgjöf er kostur

• Góð íslensku- og enskukunnátta

Laun samkvæmt gildandi kjarasamningi sem fjármála- og efnahagsráðherra og Ljósmæðrafélag Íslands hafa gert.

Umsókn fylgi náms- og starfsferilskrá ásamt kynningarbréfi og afriti af prófskírteinum og starfsleyfi. Fylgiskjöl skulu vera á pdf formi.

Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.

Landspítali er lifandi og fjölbreyttur vinnustaður þar sem um 7000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Landspítali hefur hlotið jafnlaunavottun samkvæmt jafnlaunastaðlinum ÍST85:2012.

Umsóknir geta gilt í 6 mánuði frá birtingu auglýsingar, sbr. 3. tl. 2. mgr. 2. gr. reglna nr. 1000/2019 um auglýsingar lausra starfa með síðari breytingum.

Starfsmerkingar: Heilbrigðisþjónusta, ljósmóðir, hjúkrunarfræðingur, hjúkrun

Tungumálahæfni: íslenska 4/5, enska 4/5

Staðsetning: Hringbraut, 101 Reykjavík