Sérfræðingur í verkefninu Petland LIFEline

Náttúruverndarstofnun leitar að metnaðarfullum einstaklingi í tímamundið starf með framúrskarandi samskiptahæfni og með þekkingu á náttúruvernd til að leiða og samþætta verkefni sem stofnunin ber ábyrgð á í Petland LIFEline (Mýralíf). Starfið er fjölbreytt, krefjandi og gefandi og verður starfsmaðurinn hluti af samhentu teymi þar sem fagmennska og virðing fyrir náttúrunni eru í forgrunni.

Starfstöð sérfræðings er á Hvanneyri Borgarbyggð.

• Verkefni á sviði Petland LIFE samstarfsverkefnisins

• Gerð stjórnunar- og verndaráætlunar

• Samskipti við stofnanir, sveitafélög, landeigendur og aðra hagsmunaaðila

• Þátttaka í stefnumótun og þróun verkferla

• Önnur tilfallandi verkefni

• Háskólamenntun sem nýtist í starfi

• Framúrskarandi hæfni í samskiptum og þjónustulund

• Góð skipulagshæfni og geta til að forgangsraða verkefnum

• Gott frumkvæði og sjálfstæð vinnubrögð

• Gott vald á íslensku og ensku

• Góð almenn tölvukunnátta

• Þekking á umhverfismálum og náttúruvernd

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Petland LIFEline er metnaðarfullt, fimm ára verkefni styrkt af LIFE- áætlun Evrópusambandsins. Markmið þess er að endurheimta láglendisfjallamýrar á Íslandi og efla getu stofnana til vendunnar lífræðilegs fjölbreytileika á endurheimtum votlendissvæðum. Verkefnið er samstarf sjö stofnana og félagasamtaka. Nánar um verekfnið á myralif.is

Um er að ræða tímabundið starf til eins árs með möguleika á framlengingu. Starfshlutfall er 100%.

Laun eru samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Vinsamlegast látið ferilskrá og kynningarbréf fylgja umsókninni þar sem færð eru rök fyrir hæfni í starfið. Við hvetjum áhugasöm til að sækja um óháð kyni og uppruna.

Öllum umsóknum verður svarað þegar ákvörðun um ráðningu hefur verið tekin.

Um Náttúruverndarstofnun

Stofnunin hefur víðtækt hlutverk í náttúruvernd, sjálfbærri þróun og vernd friðlýstra svæða ásamt umsjón með villtum dýrum og veiðistjórnun. Markmið hennar er að tryggja að náttúra Íslands njóti verndar til framtíðar. Hjá Náttúruverndarstofnun starfar samheldinn hópur starfsmanna með fjölbreytta reynslu, sem sinnir margvíslegum verkefnum tengdum náttúruvernd og þjónustu við gesti þjóðgarða og annarra friðlýstra svæða. Starfsstöðvar stofnunarinnar eru 15 um allt land.