Móttökuritari

Heilbrigðisstofnun Suðurnesja óskar eftir að ráða móttökuritara til starfa á heilsugæsluna í Reykjanesbæ.

Við leitum að metnaðarfullum og jákvæðum einstaklingi í starf móttökuritara. Um er að ræða 25% starf í vaktavinnu um helgar. Nauðsynlegt er að viðkomandi geti hafið störf sem fyrst.

Á HSS er lögð áhersla á góða samvinnu, stuttar boðleiðir og góðan starfsanda.

• Almenn afgreiðsla

• Símsvörun, bókanir og móttaka skjólstæðinga

• Móttaka tímapantana í afgreiðslu

• Uppgjör

• Upplýsingagjöf og aðstoð við skjólstæðinga

• Samvinna og aðstoð við aðrar deildir innan stofnunarinnar

• Flokkun á pósti og rafrænum sendingum ásamt skönnun og frágangi gagna

• Góð almenn tölvukunnátta

• Reynsla af excel er kostur

• Góð þjónustulund og samskiptahæfni

• Skipulögð vinnubrögð

• Starfsreynsla af sambærilegum störfum er nauðsynleg

• Jákvætt og hlýtt viðmót

• Góð íslenskukunnátta bæði í ræðu og riti

• Góð enskukunnátta er skilyrði

Laun samkvæmt gildandi kjarasamningi sem fjármála- og efnahagsráðherra og Starfsmannafélag Suðurnesja hafa gert.

Umsókn fylgi náms- og starfsferilskrá ásamt afriti af prófskírteinum og starfsleyfi, ef við á. Ákvörðun um ráðningu byggist á innsendum gögnum og/eða umsögnum. Tekið er mið af jafnréttisstefnu HSS við ráðningar á stofnunina. Öllum umsóknum verður svarað um leið og ráðið hefur verið í starfið. Umsókn gildir í 6 mánuði.