FB auglýsir eftir kennurum í rafvirkjun og rafeindavirkjun

Fjölbrautaskólinn í Breiðholti óskar eftir að ráða tvo kennara: kennara í rafvirkjun og kennara í rafeindavirkjun.

Ráðið er í störfin frá 1. janúar 2027. Á næsta ári hefst kennsla í nýrri og stórbættri verknámsaðstöðu FB, þar sem verknámsrými skólans meira en tvöfaldast og rafvirkjun fær meðal annars nýjan sal fyrir verklega kennslu. Þetta er því einstakt tækifæri til að taka þátt í uppbyggingu öflugs rafiðnaðarnáms frá fyrsta degi í nýju húsnæði

Staða Starfshlutfall

Kennari í rafvirkjun 100%

Kennari í rafeindavirkjun 100%

• Kennsla, undirbúningur og námsmat í rafvirkjun annars vegar og rafeindavirkjun hins vegar, bæði í bóklegum og verklegum greinum.

• Gerð kennsluáætlana og prófa.

• Faglegt samstarf innan brautar og þvert á greinar skólans.

• Þátttaka í þróun náms og kennslu í nýrri verknámsaðstöðu.

Skólinn notar Innu, upplýsinga- og námsumsjónarkerfi, og Teams hópvinnukerfi sem kennari þarf að vera tilbúinn að vinna með.

• Meistarabréf í rafvirkjun (staða 1) eða rafeindavirkjun (staða 2) áskilið, eða sambærilegt nám sem nýtist í starfi. Kennsluréttindi eru æskileg.

• Kennsluhæfni og góðir samskiptahæfileikar í faglegu og þverfaglegu samstarfi.

• Frumkvæði, sjálfstæð vinnubrögð, áhugi og áreiðanleiki.

Laun samkvæmt gildandi kjarasamningi sem fjármála- og efnahagsráðherra og Kennarasamband Íslands hafa gert.

Tekið er mið af jafnréttisáætlun FB við ráðningar og eru öll sem uppfylla hæfniskröfur hvött til að sækja um. Jafnréttisáætlun skólans á að stuðla að jafnri stöðu og virðingu innan skólans, þannig að starfsfólk og nemendur fái notið sín óháð kyni, aldri, kynþætti, kynhneigð, fötlun, þjóðerni, trúar- eða stjórnmálaskoðunum.

Við ráðningu skulu liggja fyrir afrit prófskírteina, leyfisbréf sem veitir rétt til að nota starfsheitið kennari, sbr. lög nr. 95/2019, og sakavottorð.

Um skólann

Fjölbrautaskólinn í Breiðholti býður verknám, listnám og bóknám til lokaprófs úr framhaldsskóla. FB er skóli Heimsmarkmiða Sameinuðu þjóðanna. Sýn okkar er að efla fólk til að skapa kærleiksríkt og sjálfbært samfélag, og gildi skólans eru virðing, fjölbreytni og sköpunarkraftur.

Stefnumið skólans eru að við:

• leggjum áherslu á frið, lýðræði, réttlæti, jöfnuð og jafnrétti

• vinnum saman að góðum námsárangri allra nemenda

• menntum nemendur til að stuðla að sjálfbærni og virða líf og umhverfi

• stuðlum að vellíðan og valdeflingu nemenda og starfsfólks

• leggjum áherslu á góða samvinnu og hvetjandi, nærandi samskipti

• iðkum, kennum og hlúum að nýsköpun

• ræktum góð tengsl út á við og vinnum með nærsamfélagi skólans.

Nánar um skólann á www.fb.is.

Umsókn

Umsóknir skulu berast rafrænt í gegnum ráðningarkerfi Oracle, sjá tengil hér að neðan. Vinsamlegast takið fram í umsókn hvorri stöðunni er sótt um, eða hvort sótt er um báðar.

Öllum umsækjendum verður svarað og þeim tilkynnt um ráðstöfun starfanna þegar ákvörðun liggur fyrir. Afrit af umsóknargögnum verður varðveitt í samræmi við lög um Þjóðskjalasafn Íslands nr. 66/1985. Áskilinn er réttur til að nýta auglýsinguna í 6 mánuði frá ráðningu.