Aðstoðarmaður landlæknis

Embætti landlæknis óskar eftir að ráða aðstoðarmann landlæknis. Um er að ræða áhugavert, krefjandi og mjög fjölbreytt starf sem reynir á samskiptahæfni, frumkvæði, fagmennsku og sveigjanleika í vinnutíma. Næsti yfirmaður er landlæknir en viðkomandi mun vinna í nánu samstarfi við aðra starfsmenn embættisins.

• Er aðstoðarmaður landlæknis og sinnir hvers kyns viðfangsefnum sem styðja landlækni og embætti landlæknis við að rækja hlutverk sitt.

• Móttaka og úrvinnsla fyrirspurna frá almenningi, fjölmiðlum, opinberum aðilum og fyrirtækjum.

• Samskipti við fjölmiðla, viðtalsbókanir og skrif fréttatilkynninga.

• Almenn skrifstofustörf, skjalagerð og skjalavistun.

• Undirbúningur og eftirfylgni við fundi framkvæmdastjórnar.

• Þátttaka í undirbúningi, skipulagningu og setu funda og viðburða.

• Samskipti við erlenda samstarfsaðila.

• Ýmis önnur verkefni að beiðni landlæknis.

• Háskólamenntun sem nýtist í starfi.

• Góð reynsla af samskiptum við fjölmiðla er kostur.

• Afbragðs þekking og færni í íslensku er skilyrði.

• Góð færni í ensku er skilyrði, norðurlandamál er kostur.

• Reynsla af notkun samfélagsmiðla í miðlun upplýsinga.

• Góð almenn tölvukunnátta, hæfni í notkun helstu skrifstofuforrita.

• Þekking á heilbrigðiskerfinu er kostur.

• Reynsla og þekking á opinberri stjórnsýslu er kostur.

• Vönduð og áreiðanleg vinnubrögð, nákvæmni, skipulagshæfni og þjónustulund.

• Jákvæðni og lipurð í mannlegum samskiptum, samstarfsvilji og sveigjanleiki í daglegum störfum.

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Við ráðningu er tekið mið af jafnréttisstefnu embættisins og við hvetjum einstaklinga af öllum kynjum til að sækja um starfið. Umsóknin gildir í 6 mánuði eftir að umsóknarfrestur rennur út nema umsækjandi ákveði annað. Embætti landlæknis áskilur sér rétt til að hafna öllum umsóknum. Öllum umsóknum verður svarað að ráðningu lokinni.

Með umsókn skal fylgja ítarleg náms- og starfsferilskrá ásamt kynningarbréfi sem er að hámarki þrjár blaðsíður að lengd. Í kynningarbréfinu skal koma fram ástæða umsóknar og rökstuðningur fyrir því hvernig menntun, reynsla og hæfni umsækjanda samræmast kröfum starfsins, eins og þær eru tilgreindar í auglýsingunni.

Æskilegt er að viðkomandi geti hafið störf sem fyrst.

Embætti landlæknis starfar í samræmi við lög um landlækni og lýðheilsu. Hlutverk embættisins í hnotskurn er að stuðla að góðri og öruggri heilbrigðisþjónustu, heilsueflingu og öflugum forvörnum. Embættið hefur sett sér þrjú gildi sem starfsmönnum ber að hafa að leiðarljósi þ.e. ábyrgð, virðing og traust. Við erum heilsueflandi vinnustaður sem leggur áherslu á að efla mannauð og stuðla að góðri heilsu og líðan starfsmanna.