Aðstoðaryfirlæknir - HSN Sunnuhlíð Akureyri

Heilbrigðisstofnun Norðurlands (HSN) óskar eftir að ráða öflugan og metnaðarfullan aðstoðaryfirlækni til starfa í Sunnuhlið á Akureyri. Um er að ræða fjölbreytt og spennandi starf fyrr lækni sem hefur áhuga á að taka þátt í þróun og eflingu heilbrigðisþjónustu í nánu samstarfi við yfirlækni, aðra stjórnendur og öflugt þverfaglegt teymi.

Aðstoðaryfirlæknir gegnir mikilvægu hlutverk í faglegri forystu, gæðastarfi og daglegri starfsemi Sunnuhlíðar með áherslu á örugga, skilvirka og heildræna þjónustu.

HSN leggur ríka áherslu á fagmennsku, gott samstarf og virka teymisvinnu. Við bjóðum upp á styðjandi og metnaðarfullt starfsumhverfi þar sem starfsþróun, velferð starfsfólks og góður starfsandi eru hafðir að leiðarljósi. Hjá okkur gefst tækifæri til að taka þátt í að móta þjónustu sem skiptir samfélagið máli og hefur áhrif á lífsgæði fólks.

Næsti yfirmaður aðstoðaryfirlæknis er yfirlæknir HSN Sunnuhlíð Akureyri.

Kynntu þér hvers vegna þú ættir að koma norður og bætast í okkar öfluga hóp með því að smella á Komdu norður! | Heilbrigðisstofnun Norðurlands

Hér má sjá upplýsingar um verkefnið Heilsueflandi vinnustaður en heilsugæslan á Akureyri var fyrst allra heilsugæslustöðva að innleiða verkefnið.

Hér má sjá upplýsingar um teymisvinnu hjá HSN á Akureyri

• Staðgengill yfirlæknis

• Styðja yfirlækni við faglega forystu og stjórnun læknisfræðilegra þátta starfseminnar

• Taka þátt í skipulagningu, þróun og samræmingu heilbrigðisþjónustu í samræmi við stefnu og markmið HSN

• Veita almenna læknisþjónustu og sinna heilsuvernd

• Taka þátt í vaktþjónustu samkvæmt nánara samkomulagi

• Stuðla að faglegum gæðum, öryggi og stöðugum umbótum í þjónustu

• Efla þverfaglegt samstarf og stuðla að virkri teymisvinnu

• Veita starfsfólki faglegan stuðning, leiðsögn og ráðgjöf

• Taka þátt í gæðastarfi, innleiðingu verklags og þróunarverkefnum

• Stuðla að góðum starfsanda og jákvæðri vinnustaðamenningu

• Önnur tilfallandi stjórnunarverkefni

• Íslenskt lækninga- og sérfræðileyfi í heimilislækningum er skilyrði

• Haldbær reynsla af starfi við heimilislækningar

• Framúrskarandi samskiptahæfni

• Áhugi á stjórnun og gott álagsþol

• Farsæl reynsla og þekking á teymisvinnu og þverfaglegu samstarfi

• Leiðtogahæfni og áhugi á þróun þjónustu og gæðamálum

• Áreiðanleiki og helgun í starfi

• Mjög góð skipulagshæfni nauðsynleg og reynsla af innleiðingu nýjunga

• Frumkvæði og lausnamiðuð nálgun

• Góð íslensku-, ensku- og tölvukunnátta

• Hreint sakavottorð, gott orðspor og ökuleyfi

Laun samkvæmt gildandi kjarasamningi sem fjármála- og efnahagsráðherra og Læknafélag Íslands hafa gert.

Umsókninni skal fylgja náms- og starfsferilskrá auk kynningarbréfs á íslensku þar sem gerð er grein fyrir ástæðu umsóknar og rökstuðningur fyrir hæfni umsækjanda í starfið út frá hæfniskröfum auglýsingarinnar. Jafnframt skal leggja fram staðfestar upplýsingar um læknismenntun, læknisstörf og vísinda- og rannsóknarstörf ásamt afriti af starfsleyfi.

Tekið er á móti rafrænum umsóknum á starfatorg.is með því að smella á hlekkinn hér að neðan. Öllum umsóknum verður svarað þegar ákvörðun um ráðningu hefur verið tekin. Umsóknir gilda í sex mánuði frá því umsóknarfrestur rennur út. Fólk af öllum kynjum er hvatt til að sækja um starfið.

Heilbrigðisstofnun Norðurlands vill vera framsækin stofnun, eftirsóknarverður vinnustaður og í fararbroddi í heilbrigðisþjónustu og heilbrigðismenntun á landsbyggðinni. Hlutverk HSN er að stuðla að heilbrigði íbúanna með því að veita faglega, samfellda og heildstæða heilbrigðisþjónustu.

Gildi stofnunarinnar eru Fagmennska - samvinna - virðing.

Heilbrigðisstofnun Norðurlands veitir heilsugæsluþjónustu, sjúkrahúsþjónustu og öldrunarþjónustu og rekur rúmlega 190 sjúkra-, hjúkrunar- og dvalarrými. HSN sinnir einnig sálfélagslegri þjónustu á svæðinu. Meginstarfsstöðvar HSN eru á Akureyri, Blönduósi, Dalvík/Fjallabyggð, Húsavík og á Sauðárkróki. Íbúar á starfssvæði HSN, sem nær frá Blönduósi til Þórshafnar eru rúm 37.000 og starfsfólk er rúmlega 800 talsins.