Íþróttafræðingur í sjúkraþjálfun á Hringbraut

Sjúkraþjálfun Landspítala við Hringbraut óskar eftir metnaðarfullum íþróttafræðingi til starfa. Um er að ræða dagvinnu og er starfshlutfall 100%.

Íþróttafræðingur starfar innan sjúkraþjálfunar og sinnir hreyfingu og þjálfun inniliggjandi sjúklinga. Starfið er fjölbreytt og felst annars vegar í umsjón með opinni hópþjálfun í æfingasal og hins vegar einstaklingsþjálfun sjúklinga á legudeildum í samstarfi við sjúkraþjálfara.

Íþróttafræðingur skipuleggur og útfærir þjálfun innan síns fagsviðs með það að markmiði að auka eða viðhalda styrk, úthaldi, færni og virkni sjúklinga. Starfið krefst sjálfstæðra vinnubragða, góðrar samstarfshæfni og hæfni til að aðlaga þjálfun að mismunandi getu og dagsformi sjúklinga.

Við leitum að einstaklingi sem hefur áhuga á að vinna með fjölbreyttum hópi sjúklinga á bráðasjúkrahúsi, hefur öryggi sjúklinga að leiðarljósi og er jákvæður og hvetjandi í samskiptum. Starfið er laust nú þegar og kostur er ef viðkomandi geti hafið störf sem fyrst.

• Skipuleggja og sinna opinni hópþjálfun fyrir inniliggjandi sjúklinga í æfingasal

• Sinna einstaklingsþjálfun sjúklinga á legudeildum í samráði við sjúkraþjálfara

• Skipuleggja og útfæra þjálfun í samræmi við markmið, getu og dagsform sjúklings með áherslu á að auka eða viðhalda styrk, úthald, færni og virkni

• Framkvæma stöðluð færni- og þolpróf og nýta niðurstöður þeirra við þjálfun eftir því sem við á

• Hvetja og leiðbeina sjúklingum til hreyfingar og virkrar þátttöku í eigin þjálfun

• Skráning í sjúkraskrá

• Þátttaka í faglegri þróun, umbóta- og gæðastarfi

• Háskólamenntun í íþrótta- og heilsufræði

• Reynsla af vinnu með bráðveikum einstaklingum æskileg

• Góð íslenskukunnátta

• Faglegur metnaður, frumkvæði og ábyrgð í starfi

• Mjög góð samskipta- og samstarfshæfni og jákvætt viðmót

• Skipulagshæfni og sjálfstæð vinnubrögð

• Þekking á þjónustuþáttum Landspítala

• Sveigjanleiki og hæfni til að takast á við fjölbreyttar aðstæður

Laun samkvæmt gildandi kjarasamningi sem fjármála- og efnahagsráðherra og Viska - stéttarfélag hafa gert.

Umsókn fylgi náms- og starfsferilskrá ásamt kynningarbréfi og afriti af prófskírteinum og starfsleyfi. Fylgiskjöl skulu vera á pdf formi.

Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.

Landspítali er lifandi og fjölbreyttur vinnustaður þar sem um 7000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Landspítali hefur hlotið jafnlaunavottun samkvæmt jafnlaunastaðlinum ÍST85:2012, úttekt framkvæmd af Versa vottun ehf.

Umsóknir geta gilt í 6 mánuði frá því að umsóknarfrestur rennur út, sbr. 3. tl. 2. mgr. 2. gr. reglna nr. 1000/2019, um auglýsingar á lausum störfum með síðari breytingum.

Starfsmerkingar: Heilbrigðisþjónusta, endurhæfing, íþróttafræðingur, sjúkraþjálfun

Tungumálahæfni: íslenska 4/5

Staðsetning: Hringbraut, 101 Reykjavík