Sjúkraliðar/sjúkraliðanemar á sjúkradeild

Heilbrigðisstofnun Suðurnesja óskar eftir að ráða sjúkraliða / sjúkraliðanema í tímabundið starf á sjúkradeild. Um er að ræða vaktavinnu með möguleika á framlengingu.

Leitað er eftir áhugasömum og metnaðarfullum einstaklingum sem geta unnið sjálfstætt. Á HSS er lögð áhersla á góða samvinnu, stuttar boðleiðir og góðan starfsanda.

Um er að ræða fjölbreytt og krefjandi starf. Sjúkraliðar/nemar sinna umönnun skjólstæðinga og öðrum störfum undir stjórn og í samvinnu við hjúkrunarfræðinga. Þeir starfa samkvæmt lögum og reglugerðum um heilbrigðisstarfsmenn og markmiðum deildarinnar.

• Starfsleyfi sjúkraliða eða vera í sjúkraliðanámi

• Faglegur metnaður og vandvirkni

• Framúrskarandi samskiptahæfni

• Sjálfstæði í vinnubrögðum

• Hlýtt og jákvætt viðmót

• Starfsreynsla er æskileg

• Góð íslensku- og enskukunnátta

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Umsókn fylgi náms- og starfsferilskrá ásamt afriti af prófskírteinum og starfsleyfi, staðfesting á námi þarf að fylgja. Ákvörðun um ráðningu byggist á innsendum gögnum og/eða umsögnum. Tekið er mið af jafnréttisstefnu HSS við ráðningar á stofnunina. Öllum umsóknum verður svarað. Umsóknir gilda í sex mánuði frá því að umsóknarfrestur rennur út.