Sérfræðingur á sviði storkurannsókna á rannsóknarkjarna

Við sækjumst eftir öflugum lífeindafræðingi með brennandi áhuga á storkurannsóknum, sem er tilbúinn að taka þátt í að þróa nýtt og krefjandi sérfræðistarf í samhentu teymi okkar á rannsóknakjarna Landspítala. Þar fara fram greiningar, rannsóknir, ráðgjöf og kennsla heilbrigðisstétta í blóðmeinafræði og klínískri lífefnafræði. Á deildinni starfa á annað hundrað einstaklingar og leggjum við ríka áherslu á jákvæðni, fagmennsku og virðingu gagnvart vinnustaðnum og samstarfsfólki.

Við viljum ráða einstakling sem býr yfir víðtækri þekkingu og reynslu á sviði storkurannsókna. Viðkomandi þarf að vera lausnamiðaður, hvetjandi og hafa metnað fyrir þróun og eflingu samstarfsfólks, gæðastarfi, teymisvinnu og jákvæðum úrlausnum. Þekking á vísindastarfsemi og kennslu á sviði lífeindafræði er kostur.

Starfshlutfall er 100%, unnið er í dagvinnu og er upphaf starfa 1. nóvember 2026.

Vinnuvika starfsfólks í fullri dagvinnu er 36 stundir, sem stuðlar að betra jafnvægi milli vinnu og einkalífs.

• Hefur umsjón með storkurannsóknum

• Vinnur að gæðamati, aðferðalýsingum og verklagsreglum

• Þróar, framkvæmir og metur nýjungar í rannsóknum ásamt stjórnendum deildar

• Skipuleggur og tekur þátt í kennslu heilbrigðisstétta

• Metur fræðsluþarfir starfsfólks, fræðir og metur árangurinn

• Hvetur og aðstoðar starfsfólk við að efla faglega færni og þroska

• Íslenskt starfsleyfi sem lífeindafræðingur

• Íslenskt sérfræðileyfi sem lífeindafræðingur

• Framúrskarandi hæfni í íslensku og góð enskukunnátta

• Nákvæm og sjálfstæð vinnubrögð

• Góð samskiptahæfni og fagleg framkoma

• Hæfni og geta til að starfa í og leiða teymi

• Faglegur metnaður og sjálfstæði í starfi

• Frumkvæði, yfirsýn og skipulagsfærni

• Þekking á vísindastarfsemi og kennslu á sviði lífeindafræði er kostur

Laun samkvæmt gildandi kjarasamningi sem fjármála- og efnahagsráðherra og Félag lífeindafræðinga hafa gert.

Umsókn fylgi náms- og starfsferilskrá ásamt kynningarbréfi og afriti af prófskírteinum og starfsleyfi. Fylgiskjöl skulu vera á pdf formi.

Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.

Landspítali er lifandi og fjölbreyttur vinnustaður þar sem um 7000 einstaklingar starfa í þverfaglegum teymum og samstarfi ólíkra fagstétta.Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Landspítali hefur hlotið jafnlaunavottun samkvæmt jafnlaunastaðlinum ÍST85:2012, úttekt framkvæmd af Versa vottun ehf.

Umsóknir geta gilt í 6 mánuði frá birtingu auglýsingar, sbr. 3. tl. 2. mgr. 2. gr. reglna nr. 1000/2019 um auglýsingar lausra starfa með síðari breytingum.

Starfsmerkingar: Heilbrigðisþjónusta, Lífeindafræðingur,

Tungumálahæfni: íslenska 5/5, enska 3/5

Staðsetning: Hringbraut, 101 Reykjavík