Hjúkrunarfræðingar - Hlévangur, Reykjanesbæ

Heilbrigðisstofnun Suðurnesja óskar eftir að ráða hjúkrunarfræðinga til starfa á hjúkrunardeild Hlévangs í Reykjanesbæ.

Hlévangur er ný deild innan HSS sem opnar í október 2026. Deildin verður 24 rýma hjúkrunardeild fyrir einstaklinga sem bíða eftir dvöl á hjúkrunarheimili.

Leitað er eftir áhugasömum einstaklingum með frumkvæði, faglegan metnað og jákvætt hugarfar til að taka þátt í þróun í heilbrigðisþjónustu við aldraða. Einstakt tækifæri til að taka þátt í þeirri uppbyggingu sem á sér stað í heilbrigðisþjónustu á Suðurnesjum.

Um er að ræða vaktavinnu. Störfin eru laus frá 1. október 2026 eða eftir samkomulagi.

• Almenn hjúkrun og vaktstjórn

• Ábyrgð á hjúkrun á deild

• Skipulagning hjúkrunarmeðferðar

• Samskipti, hvatning og stuðningur við skjólstæðinga og aðstandendur

• Íslenskt hjúkrunarleyfi

• Reynsla og áhugi á þjónustu við aldraða

• Faglegur metnaður og leiðtogahæfni

• Góð samskiptahæfni

• Sjálfstæði í og frumkvæði í starfi

• Gott vald á íslensku bæði í mæltu og rituðu máli

Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.

Umsókn fylgi náms- og starfsferilskrá ásamt afriti af prófskírteinum og starfsleyfi. Ákvörðun um ráðningu byggist á innsendum gögnum og/eða umsögnum.

Öllum umsóknum verður svarað. Umsóknir gilda í sex mánuði.