Aðstoðaryfirlögregluþjónn á löggæslusviði embætti lögreglustjórans á Suðurnesjum

Við embætti lögreglustjórans á Suðurnesjum er laus til umsóknar staða aðstoðaryfirlögregluþjóns almennu deildar á löggæslusviði. Um spennandi, krefjandi og fjölbreytt starf er að ræða sem heyrir undir yfirlögregluþjón.

Aðstoðaryfirlögregluþjónn almennu deildar annast daglegan rekstur deildarinnar en helstu verkefni eru öflug löggæsla, þjónusta við nærsamfélagið ofl. Almenna deildin tilheyrir löggæsluviði embættisins ásamt rannsóknardeild.

Hjá embættinu starfa um 220 manns í fjölbreyttum og krefjandi störfum. Rúmlega 55 starfsmenn starfa í almennu deild embættisins og er deildin staðsett á einni af þremur starfsstöðvum embættisins, að Hringbraut í Reykjanesbæ.

Lögreglan á Suðurnesjum er framsækin þjónustustofnun þar sem áhersla er lögð á mannauð, fagmennsku og traust. Verkefni embættisins eru fjölbreytt og áhersla er lögð á góða þjónustu við nærsamfélagið og aðra sem fara um umdæmið, öfluga löggæslu, almannavarnir og að tryggja lögmæta umferð um landamæri Íslands. Hjá embættinu starfa um 220 manns í fjölbreyttum og krefjandi störfum á þremur starfsstöðvum.

Gildi embættisins eru fagmennska, heiðarleiki og traust.

Gert er ráð fyrir að setja í embættið til reynslu í 6 mánuði frá og með 1. nóvember 2026 með skipun í huga að loknum reynslutíma. Starfshlutfall er 100%.

Verksvið og ábyrgð aðstoðaryfirlögregluþjóns eru tilgreind í 6. gr. reglugerðar nr. 1051/2006 um starfsstig innan lögreglu, t.a.m. stjórn og ábyrgð á deild og tilteknum verkefnum sem þarfnast sérstakrar þekkingar og eftirlit með að reglum og fyrirmælum sé fylgt.

Í starfinu felst auk þess meðal annars:

• Dagleg stjórnun lögregluliðs í samráði við yfirlögregluþjón

• Umsjón með tilteknum verkefnum þ.m.t. rannsókn mála og aðstoð við saksókn

• Ábyrgð á starfsmannamálum í samráði við yfirlögregluþjón og lögreglustjóra þ.m.t. að gæta þess að starfsmannastefnu og viðeigandi lögum sé framfylgt, tryggja viðunandi mönnun og meta þörf fyrir fræðslu og menntun starfsfólks.

• Tryggja að unnið sé í samræmi við stefnu, áherslur og markmið lögreglunnar á Suðurnesjum.

• Samstarf og samráð með innlendum og erlendum samstarfsaðilum.

• Kemur að umbótastarfi innan embættis.

Umsækjendur skulu uppfylla skilyrði 2. mgr. 14. gr. reglugerðar nr. 1051/2006 um starfsstig innan lögreglu en aðrar hæfniskröfur eru auk þess:

• Yfirgripsmikil þekking og reynsla af starfsemi lögreglu.

• Farsæl reynsla af stjórnun innan lögreglu.

• Þekking og reynsla af almennri löggæslu

• Reynsla og þekking af aðgerðastjórnun og viðbragðsáætlunum.

• Reynsla af rannsóknum sakamála.

• Þekking á vaktavinnu og kjaramálum tengdum vaktavinnufólki.

• Gott vald á íslensku og ensku.

• Góð tölvukunnátta og þekking á lögreglukerfinu (LÖKE).

• Reynsla og þekking á alþjóðlegu lögreglusamstarfi er æskileg.

• Framúrskarandi forystu-, samvinnu- og samskiptahæfni.

• Fagmennska, frumkvæði, drifkraftur og jákvæðni.

• Mjög gott vald á íslensku og ensku og færni til að tjá sig í ræðu og riti.

Þess er vænst að umsækjandi hafi reynslu af störfum þar sem reynt hefur á þessa eiginleika.

Laun samkvæmt gildandi kjarasamningi sem fjármála- og efnahagsráðherra og Landssamband lögreglumanna hafa gert.

Umsókn um stöðuna skal fylgja ítarleg ferilskrá, kynningarbréf þar sem gerð er grein fyrir ástæðu umsóknar og rökstuðningur fyrir hæfni umsækjanda til starfsins, auk afrita af prófskírteinum.

Vakin er athygli á því að engan má ráða til starfa hjá lögreglu sem hlotið hefur fangelsisdóm fyrir refsiverðan verknað sem framinn var eftir að viðkomandi varð fullra 18 ára eða sýnt af sér háttsemi sem getur rýrt það traust sem starfsmenn lögreglu verða almennt að njóta. Til þess að staðreyna þetta er lögreglu heimilt að afla upplýsinga úr sakaskrá og málaskrám lögreglu, sbr. 28. gr. a lögreglulaga nr. 90/1996.

Við ráðningu er tekið mið af jafnréttisáætlun lögreglu.

Í ráðningarferlinu verður jafnframt stuðst við stjórnendastefnu ríkisins þar sem meðal annars er lögð áhersla á að stjórnendur gangi fram með góðu fordæmi, sýni frumkvæði og stuðli að árangursríku og heilbrigðu starfsumhverfi.

Umsóknir sem berast eftir að umsóknarfresti lýkur verða ekki teknar til greina. Öllum umsóknum verður svarað þegar ákvörðun um setningu liggur fyrir.

Sækja skal um stöðuna með rafrænum hætti á vef Starfatorgs, www.starfatorg.is.

Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 1000/2019, um auglýsingar á lausum störfum með síðari breytingum.