Sérhæfður starfsmaður á æðaþræðingu- og inngripsröntgendeild í Fossvogi

Við auglýsum eftir öflugum, þjónustuliprum og skipulögðum einstaklingi til starfa á inngrips- og æðaþræðingardeild Landspítala í Fossvogi.

Starfið felur í sér fjölbreytt verkefni sem tengjast skipulagi þjónustu við sjúklinga, tímabókunum og innköllunum, samskiptum við sjúklinga og heilbrigðisstarfsfólk, auk umsjónar með rekstrarvörum deildarinnar. Viðkomandi þarf að hafa góða yfirsýn, vera sjálfstæður í starfi, sýna frumkvæði og nákvæmni og hafa góða þjónustulund.

Á deildinni starfar samheldið og þverfaglegt teymi sem sinnir fjölbreyttum rannsóknum og inngripum, þar á meðal æðaþræðingum, sýnatökum, drenísetningum, brennsluaðgerðum og öðrum myndstýrðum inngripum.

Um er að ræða 80-100% starf í dagvinnu og er starfið laust nú þegar eða eftir nánara samkomulagi.

Vinnuvika starfsfólks í fullri dagvinnu er 36 stundir sem stuðlar að betra jafnvægi milli vinnu og einkalífs.

• Umsjón með innköllunum og tímabókunum sjúklinga í rannsóknir og inngrip

• Samskipti við sjúklinga og/ eða aðstandendur varðandi undirbúning og tímasetningar

• Símsvörun og afgreiðsla fyrirspurna

• Samskipti við lækna, geislafræðinga, hjúkrunarfræðinga og annað heilbrigðisstarfsfólk

• Pantanir, móttaka, áfylling og umsjón með rekstrarvörum deildarinnar

• Umsjón með skráningum og eftirfylgd tengdri starfsemi deildarinnar

• Þátttaka í skipulagi þjónustunnar og samhæfingu verkefna innan deildarinnar

• Önnur tilfallandi verkefni samkvæmt samráði við deildarstjóra

• Menntun sem heilbrigðisgagnafræðingur, sjúkraliði eða önnur sambærileg heilbrigðismenntun

• Reynsla af störfum innan heilbrigðisþjónustu

• Góð almenn tölvukunnátta og reynsla af rafrænum upplýsingakerfum

• Mjög góð íslenskukunnátta og góð enskukunnátta í rituðu og töluðu máli

• Góð skipulagshæfni, geta til forgangsröðunar og að vinna undir álagi

• Afbragðs samskiptahæfni og rík þjónustulund

• Jákvætt viðhorf, frumkvæði og sveigjanleiki

• Hæfni til að vinna bæði sjálfstætt og í teymi

Laun samkvæmt gildandi kjarasamningi sem fjármála- og efnahagsráðherra og Sameyki hafa gert.

Umsókn fylgi náms- og starfsferilskrá ásamt kynningarbréfi og afriti af prófskírteinum og starfsleyfi. Fylgiskjöl skulu vera á pdf formi.

Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.

Landspítali er lifandi og fjölbreyttur vinnustaður þar sem um 7000 einstaklingar starfa í þverfaglegum teymum og samstarfi ólíkra fagstétta.Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Landspítali hefur hlotið jafnlaunavottun samkvæmt jafnlaunastaðlinum ÍST85:2012, úttekt framkvæmd af Versa vottun ehf.

Umsóknir geta gilt í 6 mánuði frá birtingu auglýsingar, sbr. 3. tl. 2. mgr. 2. gr. reglna nr. 1000/2019 um auglýsingar lausra starfa með síðari breytingum.

Starfsmerkingar: Heilbrigðisþjónusta, heilbrigðisgagnafræðingur, sjúkraliði, heilbrigðisritari, sérhæfður starfsmaður

Tungumálahæfni: íslenska 4/5, enska 4/5

Staðsetning: Fossvogur, 108 Reykjavík