Rekstrarstjóri - Egilsstaðir og Vopnafjörður

Heilbrigðisstofnun Austurlands (HSA) óskar eftir að ráða öflugan og metnaðarfullan rekstrarstjóra til að leiða daglegan rekstur stofnunarinnar á Egilsstöðum og Vopnafirði.

Leitað er að einstaklingi með ríka leiðtogahæfni, góða samskiptafærni og skipulögð vinnubrögð sem hefur áhuga á að taka virkan þátt í stjórnun, þróun og umbótum í starfsemi HSA.

Rekstrarstjóri starfar í nánu samstarfi við forstjóra, framkvæmdastjórn og aðra stjórnendur HSA. Næsti yfirmaður er forstjóri stofnunarinnar.

Rekstrarstjóri gegnir lykilhlutverki í daglegum rekstri stofnunarinnar, vinnur náið með stjórnendum og starfsfólki þvert á starfseiningar og á sæti í framkvæmdateymi HSA.

Um er að ræða 100% starfshlutfall í dagvinnu með sveigjanlegum vinnutíma. Æskilegt er að viðkomandi geti hafið störf 1. desember 2026 eða samkvæmt nánara samkomulagi.

• Dagleg stjórnun, skipulag og umsjón með rekstri HSA á Egilsstöðum og Vopnafirði.

• Rekstrar-, mannauðs- og stjórnunarábyrgð á stoðdeildum, þ.e. þvottahúsi, ræstingu, eldhúsi, móttöku og heilbrigðisgagnafræðingum.

• Forysta og samhæfing í rekstri, með áherslu á skilvirkni, gæði og hagkvæma nýtingu fjármuna.

• Stýring rekstrarstjórnar á Egilsstöðum og Vopnafirði og virk þátttaka í framkvæmdateymi HSA.

• Umsjón með rekstri og aðstöðu húsnæðis í samstarfi við tæknideild.

• Þátttaka í mannauðsmálum, ráðningum og þróun starfsemi í samstarfi við stjórnendur og framkvæmdastjóra mannauðs.

• Eftirfylgni með rekstrar- og aðgerðaráætlunum og þátttaka í umbóta- og þróunarverkefnum.

• Efling samstarfs og samhæfingar milli starfseininga með áherslu á jákvæða vinnustaðamenningu og árangursríka teymisvinnu.

• Háskólamenntun eða önnur menntun sem nýtist í starfi.

• Þekking og reynsla af rekstri og stjórnun er æskileg.

• Reynsla af starfsemi heilbrigðisþjónustu er kostur.

• Framúrskarandi hæfni í mannlegum samskiptum.

• Leiðtogahæfni og metnaður til að ná árangri í starfi ásamt getu til að leiða og hrinda breytingum í framkvæmd.

• Frumkvæði, áreiðanleiki, skipulagshæfni, jákvætt viðmót og lausnarmiðuð nálgun.

• Góð almenn tölvukunnátta.

• Mjög góð íslenskukunnátta og góð enskukunnátta.

• Mjög góð hæfni í tjáningu í ræðu og riti.

Laun samkvæmt gildandi kjarasamningi sem fjármála- og efnahagsráðherra og Kjarafélag viðskipta- og hagfræðinga hafa gert.

Umsóknarfrestur er til og með 16. nóvember nk. Umsókn um starfið skal fylgja ferilskrá ásamt kynningarbréfi. Sótt er um starfið rafrænt í gegnum ráðningavef ríkisins á island.is/starfatorg.

Öllum umsóknum verður svarað. Tekið er mið af jafnréttisstefnu HSA við ráðningar. Tóbaksnotkun er ekki heimil á vinnutíma innan HSA.HSA starfar á þremur fagsviðum; heilsugæslu-, hjúkrunar- og sjúkrasviði en alls eru starfsstöðvarnar fjórtán talsins. Áhersla er lögð á samvinnu þvert á byggðarlög. Stofnunin þjónar rúmlega 11.000 íbúum frá Djúpavogi til Bakkafjarðar, auk ferðamanna sem sækja Austurland heim. HSA vill byggja þjónustu sína á mannvirðingu, þekkingu og þverfaglegri samvinnu enda slagorð stofnunarinnar, samvinna um velferð.