Sálfræðingur á endurhæfingardeild Grensási

Sálfræðiþjónusta Landspítala vill ráða til starfa metnaðarfullan og sjálfstæðan sálfræðing með góða samskiptafærni og mikinn áhuga á vinnu með fólki í endurhæfingu.

Starfið er staðsett á endurhæfingardeildinni á Grensási sem sinnir fjölbreyttum hópi fólks sem á það sameiginlegt að hafa tapað færni, tímabundið eða varanlega, vegna slysa eða veikinda. Starf sálfræðings á Grensási hefur það markmið að hjálpa fólki að tileinka sér sálfræðilegar aðferðir til að takast á við sálrænan og líkamlegan vanda. Þetta felur í sér greiningu á vanda, meðferð og fræðslu.

Um er að ræða ábyrgðarmikið og krefjandi starf á spennandi vettvangi fyrir sálfræðinga sem hafa áhuga á nýsköpun og framþróun í starfi. Sálfræðingur á Grensási starfar í þverfaglegu teymi í líflegu starfsumhverfi.

Hjá Sálfræðiþjónustunni starfa um 80 sálfræðingar í ólíkum þverfaglegum teymum á ýmsum deildum Landspítala. Sálfræðiþjónustan er í stöðugri framþróun og unnið að fjölbreyttum umbótaverkefnum. Margvísleg tækifæri eru til að dýpka þekkingu í greiningu og meðferð. Lögð er áhersla á að sálfræðingar á Landspítala fái öfluga handleiðslu og símenntun í faginu.

Ráðið er í starfið frá 15. september 2026 eða eftir nánara samkomulagi.

• Greining, mat og meðferð á sálrænum vanda, gagnreynd sálfræðimeðferð og ráðgjöf

• Meðferð við sálrænum afleiðingum eftir veikindi, slys eða önnur áföll

• Einstaklings- og hópmeðferð

• Námskeiðahald, ráðgjöf og fræðsla

• Handleiðsla og þjálfun nema í klínískri sálfræði í samræmi við reynslu

• Þátttaka í þróun og uppbyggingu sálfræðiþjónustu á Landspítala

• Þátttaka í þverfaglegri teymisvinnu

• Íslenskt starfsleyfi sálfræðings

• Áhugi á endurhæfingu og þróun, þekking og reynsla af því að hafa starfað við endurhæfingu er kostur

• Þekking og reynsla af sálfræðilegri greiningu og sálmeinafræði

• Þekking og reynsla af gagnreyndum aðferðum, s.s. hugrænni atferlismeðferð

• Áhugi á að vinna í spítalaumhverfi, reynsla af því að hafa unnið í spítalaumhverfi er kostur

• Framúrskarandi samskiptafærni

• Hæfni til að vinna sjálfstætt og sýna frumkvæði

• Reynsla af þátttöku í þverfaglegri teymisvinnu

• Góð íslenskukunnátta skilyrði

Laun samkvæmt gildandi kjarasamningi sem fjármála- og efnahagsráðherra og Sálfræðingafélag Íslands hafa gert.

Umsókn fylgi náms- og starfsferilskrá ásamt kynningarbréfi og afriti af prófskírteinum og starfsleyfi. Fylgiskjöl skulu vera á pdf formi.

Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.

Landspítali er lifandi og fjölbreyttur vinnustaður þar sem um 7000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Landspítali hefur hlotið jafnlaunavottun samkvæmt jafnlaunastaðlinum ÍST85:2012, úttekt framkvæmd af Versa vottun ehf.

Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 1000/2019, um auglýsingar á lausum störfum með síðari breytingum.

Starfsmerkingar: Sálfræðingur

Tungumálahæfni: Íslenska 4/5

Staðsetning: Álmgerði 1, 108 Reykjavík