Almennir læknar á Sýkla- og veirufræðideild (SVEID)

Langar þig að kynnast rannsóknarlækningum? Þá er hér einstakt tækifæri í boði.

Lausar eru til umsóknar tvær stöður almennra lækna við Sýkla- og veirufræðideild Landspítala. Um er að ræða tímabundin störf í 6-12 mánuði eða eftir nánara samkomulagi. Starfshlutfall er 100%, nema að um annað sé samið. Unnið er í dagvinnu og á bakvöktum með viðveru um helgar. Stöðurnar eru lausar eftir samkomulagi.

Sýkla- og veirufræðideild Landspítala er þjónusturannsóknastofa og tilvísunarrannsóknastofa fyrir Ísland á sviði bakteríu-, veiru-, sveppa- og sníkjudýrafræði. Deildin vinnur með sóttvarnarlækni og öðrum heilbrigðisyfirvöldum að bættri lýðheilsu. Áhersla er lögð á góða þjónustu, virka teymisvinnu og stöðugar umbætur í þágu sjúklinga.

Veirufræðihluti deildarinnar er staðsettur í Ármúla 1a en sýklafræðihlutinn er að mestu leyti staðsettur á lóð Landspítala við Barónsstíg. Á deildinni starfa um 80 einstaklingar, þar af eru átta sérfræðilæknar í föstu starfi (í 6,5 stöðugildum).

Læknar Sýkla- og veirufræðideildar gegna mikilvægu hlutverki í starfsemi deildarinnar. Þeir veita almenna ráðgjöf um greiningu smitsjúkdóma og aðstoða við val á rannsóknum, sýnatökum og sendingum. Sjá um miðlun og túlkun rannsóknaniðurstaðna og taka mikinn þátt í gæðastarfi deildarinnar, meðal annars ritun gæðaskjala og staðfestingu.

Ætlunin er að almennir læknar, að lokinni aðlögun, taki þátt í læknastarfinu ásamt því að vera á gæsluvöktum með stuðningi sérfræðilæknis á bakvakt.

• Læknisstörf við veirufræði í Ármúla 1a og/ eða á bakteríu-, sveppa- og sníkjudýrahluta deildarinnar, sem er að mestu við Barónsstíg undir umsjón sérfræðilækna. Svo sem:

  • Staðfesta rannsóknasvör fyrir útgáfu

  • Tilkynna brýnar niðurstöður til meðferðaraðila

  • Leiðsögn fyrir heilbrigðisstarfsfólk

• Þátttaka í kennslu

• Þátttaka í þróunar- og gæðaverkefnum

• Þátttaka í vísindarannsóknum sem tengjast sérgreininni er æskileg

• Þátttaka í gæsluvöktum lækna deildarinnar þegar á líður (með stuðningi sérfræðilæknis á bakvakt)

• Íslenskt lækningaleyfi

• Hafa lokið sérnámsgrunni eða sambærilegu starfsnámi, sem samþykkt hefur verið af kennsluráði sérnámsgrunns, við upphaf starfs

• Frumkvæði og sjálfstæð vinnubrögð

• Góð færni í mannlegum samskiptum

• Góð íslensku- og enskukunnátta áskilin, að lágmarki B2 tungumálafærni í íslensku, nema um annað hafi verið samið sérstaklega

Laun samkvæmt gildandi kjarasamningi sem fjármála- og efnahagsráðherra og Læknafélag Íslands hafa gert.

Í umsóknareyðublaðið skal skrá inn upplýsingar um:

• Fyrri störf, menntun og hæfni

• Félagsstörf

• Mögulega umsagnaraðila

Nauðsynleg fylgiskjöl:

• Starfsferilsskrá

• Vottað afrit af prófskírteini og starfsleyfi

• Staðfestingu um áætluð lok sérnámsgrunns ef því er ekki nú þegar lokið.

Ákvörðun um ráðningu byggist á innsendum gögnum og viðtölum eftir því sem við á. Öllum umsóknum verður svarað. Tekið er mið af jafnréttisstefnu Landspítala við ráðningar á spítalanum.

Landspítali er lifandi og fjölbreyttur vinnustaður þar sem um 7000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Landspítali hefur hlotið jafnlaunavottun samkvæmt jafnlaunastaðlinum ÍST85:2012.

Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum.

Starfsmerkingar: Heilbrigðisþjónusta, Læknir með lækningaleyfi, almennur læknir, læknir

Tungumálahæfni: íslenska 4/5, enska 4/5

Staðsetning: Hringbraut, 101 Reykjavík