Aðstoðarmaður á skólabúi

Laust er til umsóknar fullt starf aðstoðarmanns á skólabúi við Hestafræðideild Háskóla Íslands á Hólum. Starfsstöð er við Háskóla Íslands á Hólum. Starfið er unnið á dagvinnutíma, auk þess sem gert er ráð fyrir vinnu þriðju hverja helgi. Einnig er skipulögð bakvakt.

• Umhirða hesta og önnur bústörf, þ.m.t. þrif og gegningar

• Eftirlit með umgengni á hesthúsasvæði og skólabúi

• Almennt viðhald húsa og tækja á skólabúi

• Eftirlit með velferð og heilsu hrossa

• Leiðsögn um öryggisreglur, umgengni og hirðingu hrossa

• Menntun sem nýtist í starfi, svo sem í búfræði, hestafræði eða í iðngreinum, er kostur

• Reynsla af umhirðu hesta og almennum bústörfum er æskileg

• Reynsla af landbúnaðarstörfum, starfi við smíðar eða af sambærilegum verkefnum er kostur

• Ökuréttindi, aukin ökuréttindi og reynsla af notkun landbúnaðartækja er kostur

• Grunnfærni í íslensku og ensku

• Skipulagshæfni og hæfni í samvinnu og mannlegum samskiptum

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Æskilegt er að viðkomandi geti hafið störf sem fyrst.

Eftirfarandi gögn skulu fylgja umsókn:

• Ferilskrá

• Kynningarbréf þar sem fjallað er um hvernig umsækjandi uppfyllir þær hæfnikröfur sem settar eru fram í auglýsingunni og hvað hann telur sig geta lagt af mörkum til starfsins

• Afrit af prófskírteinum

• Upplýsingar um umsagnaraðila

Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin. Umsóknir geta gilt í sex mánuði frá lokum umsóknafrests.

Við ráðningu í störf í Háskóla Íslands er tekið mið af jafnréttisáætlun skólans. Vakin er athygli á málstefnu Háskóla Íslands.

Háskóli Íslands hefur frá stofnun verið undirstaða atvinnulífs og framfara í íslensku samfélagi. HÍ er jafnframt framsækinn rannsóknarháskóli og virkur þátttakandi í alþjóðlegu vísindasamstarfi.

Háskóli Íslands er stærsti háskóli landsins og býður upp á hátt í 400 námsleiðir á grunn-, meistara- og doktorsstigi. Um 14.000 nemendur stunda nám við skólann, þar af yfir 2.000 alþjóðlegir nemar.

Við Háskóla Íslands starfa yfir 1.800 manns. Skólinn leggur áherslu á að laða til sín fjölbreyttan hóp starfsfólks og stúdenta í alþjóðlegt fræðasamfélag þar sem akademískt frelsi, fagmennska, jafnrétti, fjölbreytileiki og inngilding eru í öndvegi. 36 stunda vinnuvika hefur verið innleidd í stjórnsýslustörfum skólans.

Nánar um Háskóla Íslands, fræðasvið hans og deildir